Дар Тоҷикистон 92,9 фоизи шаҳрвандон вояи якуми ваксина бар зидди COVID-19 гирифтаанд
ДУШАНБЕ, 22.04.2022 /АМИТ «Ховар»/. То 20 апрел дар Тоҷикистон 5 миллиону 202 ҳазору 268 нафар, яъне 92,9 фоизи аҳолии мамлакат ба вояи якуми ваксинатсия бар зидди бемории коронавируси нави COVID-19 фаро гирифта шудаанд, иттилоъ доданд ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Тибқи омори Вазорати тандурустии мамлакат, 5 миллиону 27 ҳазору 496 нафар, ё худ 89,8 фоиз бо вояи дуюм, 1 миллиону 756 ҳазору 58 нафар ё 31,4 дарсад бо вояи сеюм моякӯбӣ шудаанд.
Барои эмкунии саривақтии аҳолӣ ва пешгирии бемории коронавирус тавассути механизми байналмилалии COVAX ва кумакҳои башардӯстона аз аввали сол 14 миллиону 516 ҳазору 60 вояи доруҳои AstraZeneca, CoronaVac, Moderna, ваксинаҳои «Спутник V» ва «Пфайзер» ба мамлакат оварда шудаанд. Ҳама ваксинаҳо дар анборҳои махсуси Вазорати тандурустӣ нигоҳ дошта шуда, дар ҳолати зарурӣ ба шаҳру ноҳияҳо интиқол дода мешаванд.
Ёдовар мешавем, ки тадбирҳои андешида дар самти мубориза бар зидди коронавирус имкон доданд, ки аз 15 марти соли 2022 фаъолияти гузаргоҳҳои Сарҳади давлатии Ҷумҳурии Тоҷикистон бо Ҷумҳурии Узбекистон ба ҳолати муқаррарӣ гузаронида шаванд.
Миёни аҳолӣ низ истифодаи ниқобҳои муҳофизатӣ бекор карда шудааст. Тӯйҳо, ҷашну маросими миллӣ тибқи қонунгузории амалкунанда гузаронида мешаванд.
Тибқи қарори Ситоди ҷумҳуриявӣ оид ба пурзӯр намудани чораҳои зиддиэпидемикӣ ва пешгирии интиқолу паҳншавии бемории сироятии COVID-19 дар Ҷумҳурии Тоҷикистон, ки 3 июли соли 2021 ба нашр расид, ваксинаи зидди бемории сироятии коронавирус барои шаҳрвандони аз 18 — сола болои мамлакат ҳатмӣ мебошад.
Нафароне, ки ваксинаи зидди бемории сироятии коронавирус нагирифтаанд, ҳатман ба табибони оилавӣ ва ё ба муассисаҳои тандурустии маҳали зисташон муроҷиат намоянд. Ваксина ба шаҳрвандони мамлакат ройгон гузаронида мешавад.
АКС: Вазорати тандурустӣ ва ҳифзи иҷтимоии аҳолии ҶТ
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
