ЭЪЛОН! Мақомоти иҷроияи ҳокимияти давлатии шаҳри Душанбе пурра ба бинои собиқи МТС кӯчид
ДУШАНБЕ, 19.04.2022 /АМИТ «Ховар»/. Мақомоти иҷроияи ҳокимияти давлатии шаҳри Душанбе бо нашри як эълон ба сокинон ва меҳмонони пойтахт хабар додааст, ки аз ин ба баъд ба кормандони шаҳрдорӣ бо суроғаи хиёбони Рӯдакӣ -40 (бинои собиқи Маркази тадқиқоти стратегии назди Президенти Ҷумҳурии Тоҷикистон) муроҷиат намоянд.
«Ба таваҷҷуҳи сокинон ва меҳмонони пойтахт расонида мешавад, ки кормандони Мақомоти иҷроияи ҳокимияти давлатии шаҳри Душанбе, ки то ин муддат дар хиёбони Рӯдакӣ- 80 фаъолият доштанд, аз ин ба баъд фаъолияти кории худро дар хиёбони Рӯдакӣ — 40 идома медиҳанд. Сокинон ва меҳмонони пойтахт имкон доранд, ҷиҳати баррасии мушкилот ва дигар талаботи шаҳрдорӣ ба суроғаи нави мақомот <… > муроҷиат намоянд», — омадааст дар эълон.
Қаблан дар бинои мазкур Маркази тадқиқоти стратегии назди Президенти Ҷумҳурии Тоҷикистон (ҳоло дар бинои собиқи Иттифоқи рассомон воқеъ дар хиёбони Рӯдакӣ – 89), Комиссияи марказии интихобот ва раъйпурсии Ҷумҳурии Тоҷикистон (ҳоло дар бинои Маҷлиси Олии Ҷумҳурии Тоҷикистон, хиёбони Рӯдакӣ-42), Агентии миллии итиилоотии Тоҷикистон «Ховар» (ҳоло дар бинои КТН «Шарқи озод», хиёбони Саъдии Шерозӣ — 16), Кумитаи рушди сайёҳии назди Ҳукумати Ҷумҳурии Тоҷикистон (ҳоло дар бинои собиқи Сарраёсати хазинадории Вазорати молия воқеъ дар кӯчаи академикҳо Раҷабовҳо -3) ва МД «Маркази исломшиносӣ» (ҳоло дар бинои Шӯрои уламои Тоҷикистон, кӯчаи Шодмонӣ — 58) фаъолият менамуданд.
Корхонаҳои саноатии ноҳияи Исмоили Сомонии пойтахт ба маблағи беш аз 1 миллиард сомонӣ маҳсулот истеҳсол намуданд
НИШАСТИ МАТБУОТӢ. Дар ноҳияи Сино 7 коргоҳу корхонаи саноатӣ бунёд мешавад
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни духтарон доир мешавад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
Оид ба рушди бонизоми зеҳни сунъӣ конференсияи илмӣ-назариявӣ доир гардид
Олимпиадаи V даставии хонандагони муассисаҳои шаҳри Душанбе аз фанни технология баргузор мегардад
Дар Душанбе Рӯзи Қувваҳои Мусаллаҳи Ҷумҳурии Тоҷикистон дар сатҳи баланд таҷлил мешавад
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
МАРОМНОМАИ СОКИНИ ПОЙТАХТ. Муҳаббатамонро ба шаҳри Душанбе — муаррифи таъриху фарҳанги миллат бо рафтори намунавӣ собит намоем
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
«БАРНОМАИ МИЛЛӢ ОИД БА БАРҲАМДИҲИИ ШАКЛҲОИ БАДТАРИНИ МЕҲНАТИ КӮДАКОН». Қарори Раиси шаҳри Душанбе оид ба амалишавии он дар пойтахт ба тавсиб расид
