Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
ДУШАНБЕ, 25.04.2022 /АМИТ «Ховар»/. 26 апрел дар Кумитаи иҷроияи ИДМ дар Минск ҷаласаи Шӯрои намояндагони доимии кишварҳои узви Иттиҳод дар мақомоти оинномавӣ ва дигар мақомоти Иттиҳод баргузор мешавад. Дар ин бора ба АМИТ «Ховар» дар дафтари матбуоти Кумитаи иҷроияи ИДМ хабар доданд.
Аъзои Шӯрои намояндагони доимӣ ният доранд чор масъаларо муҳокима кунанд. Миёни онҳо ҷараёни тайёрӣ ба ҷаласаҳои навбатии Шӯрои вазирони корҳои хориҷӣ ва Шӯрои сарони ҳукуматҳои Иттиҳоди Давлатҳои Мустақил қарор доранд.
Ҷаласаи Шӯрои вазирони корҳои хориҷии кишварҳои узви ИДМ қарор аст 13 май дар шакли ҳузурӣ дар Душанбе баргузор шавад. Ҷаласаи Шӯрои сарони ҳукуматҳои ИДМ 20 май ба тариқи видеоконфронс баргузор мешавад.
Намояндагони ваколатдори доимӣ ҳамчунин натиҷаҳои иҷрои чорабиниҳоро бахшида ба Соли меъморӣ ва шаҳрсозӣ дар кишварҳои Иттиҳоди Давлатҳои Мустақил баррасӣ менамоянд.
Соли 2021 дар доираи соли мавзӯӣ дар кишварҳои узви ИДМ барои коршиносони соҳаи меъморӣ ва шаҳрсозӣ якчанд чорабиниҳои густурда баргузор гардиданд. Аз ҷумла, конфронсҳои мавзӯӣ, фестивалҳо, озмунҳо, дарсҳои маҳорат, намоишҳо, лексияҳо ва машваратҳо, ки заминаи таҳияи сиёсати мувофиқашуда барои ҳамкории минбаъдаи судманд миёни давлатҳои Иттиҳод дар соҳаи меъморӣ ва шаҳрсозӣ, ки макони табодули таҷриба бобати истифода бурдани таҷрибаи пешқадам шудаанд.
ДАР АКС: Сафири Ҷумҳурии Тоҷикистон дар Беларус, Намояндаи доимии Тоҷикистон дар мақомоти оинномавӣ ва дигар мақомоти ИДМ Маҳмадшариф Ҳақдод. АКС: Хадамоти матбуоти Кумитаи иҷроияи ИДМ
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
