«БАЧАИ ОБӢ» ТАМОШОБИНОНРО МАФТУН СОХТ! Филми коргардони тоҷик дар ҷашнвораи филмҳои Авруосиё дар Лондон барандаи ҷоизаи «Audience Choice Award» шуд
ДУШАНБЕ, 26.05.2022 /АМИТ «Ховар»/. Филми «Бачаи обӣ» (Water boy)-и коргардони тоҷик Файзулло Файзов дар ҷашнвораи филмҳои Авруосиё (Eurasian Film Festiva») дар Лондон намоиш дода шуд ва сазовори ҷоизаи «Ҳусни таваҷҷуҳи тамошобин» (Audience Choice Award) гардид. Дар ин бора ба АМИТ «Ховар» дар Сафорати Ҷумҳурии Тоҷикистон дар Шоҳигарии Муттаҳидаи Британияи Кабир ва Ирландияи Шимолӣ хабар доданд.
«Мавриди зикр аст, ки «Бачаи обӣ» дар бахши «Филми бадеӣ» (Feature Film) ба даври ниҳоӣ роҳ ёфта, ҷоизаи ҷоизаи «Ҳусни таваҷҷуҳи тамошобин»-ро (Audience Choice Award) сазовор гардид», — гуфта мешавад дар хабари Сафорати Тоҷикистон.
Ҷоизаи мазкур ба Сафорати Ҷумҳурии Тоҷикистон дар Шоҳигарии Муттаҳидаи Британияи Кабир ва Ирландияи Шимолӣ, ки корманди он дар ин ҷашнвора аз Тоҷикистон намояндагӣ намуд, тақдим гардида, ба Душанбе фиристода хоҳад шуд.
Тавре ба АМИТ «Ховар» коргардони филм Файзулло Файзов хабар дод, нахустнамоиши «Бачаи обӣ» 16 октябр ба ифтихори 90-солагии Муассисаи давлатии «Тоҷикфилм» дар кинотеатри «Кохи Наврӯз»дар Душанбе доир гардида буд.
Муаллифи ғояи филм Бахтиёр Худойназаров, сенариянависон Носир Раҳмон ва Файзулло Файзов мебошанд. Нақшҳои асосиро дар филм Убайдуллоҳи Омон, Меҳроҷиддин Сафар, Аҳмад Қутбиддин ва Соро Собир иҷро кардаанд.
Гирифтани ҷоизаи «Ҳусни таваҷҷуҳи тамошобин» дар ҷашнвораи байналмилалӣ дар Британияи Кабир ба ин ё он ҷиҳат аз таваҷҷуҳи бузурге шаҳодат медиҳад, ки имрӯз мардум ба мушкилоти норасоии об ва эҳтиёткорона нигоҳдорӣ ва истифодаи он дар саросари ҷаҳон зоҳир мекунанд ва албатта туҳфаи арзишманди синамои тоҷик ба Конфронси дуюми сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» мебошад. Ин конфронс аз 6 то 9 июни соли 2022 дар шаҳри Душанбе баргузор мегардад.
ДАР АКС: ҳунарманд Убайдулло Омон ҳангоми банаворгирии филми «Бачаи обӣ»
АКС: Сафорати Ҷумҳурии Тоҷикистон дар Шоҳигарии Муттаҳидаи Британияи Кабир ва Ирландияи Шимолӣ/АМИТ «Ховар»
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
Эмомалӣ Раҳмон: Ҳифзи Наврӯз – ҳифзи ҳувият ва худшиносии миллати куҳанбунёду тамаддунсози тоҷик мебошад
Эмомалӣ Раҳмон: Ҳамчун ворисони аслии тамаддуни ориёӣ суннатҳои наврӯзиро минбаъд низ пос дорем
КУЛОЛГАРӢ — РАМЗИ ФАРҲАНГИ МИЛЛӢ. Анъанаи истифодаи зарфҳои кулолӣ дар Наврӯз то имрӯз боқӣ мондааст
Эмомалӣ Раҳмон: Наврӯз моро ба некиву накукорӣ даъват мекунад
ГУЛҲОИ ВАТАН ДАР ЧАКАНИ МАН. Ин мероси пурарзиши ниёгон фарҳанг ва таърихи куҳани тоҷиконро инъикос менамояд
Эмомалӣ Раҳмон: Наврӯз ба ягон дину мазҳаб пойбанд нест
Эмомалӣ Раҳмон: Наврӯз яке аз куҳантарин ва пурмазмунтарин ҷашнҳои башарият мебошад
Президенти Тоҷикистон: «Ватани азизи худро сидқан дӯст дорем, ба таърих, забон, фарҳанг ва дигар арзишҳои миллӣ арҷ гузорем»
ИМРӮЗ — РӮЗИ УМУМИҶАҲОНИИ НАЗМ. Дар Тоҷикистон дар ин рӯз базмҳои наврӯзии шеъру суруд баргузор мешаванд
Сарвари давлат: «Ҷанбаи умдаи ҷашни Наврӯз дасти кумак дароз кардан ба ниёзмандон ва хурсанд кардани дили ятимон аст»
