Дар Кӯлоб Рӯзи касбии кормандони мақомоти андоз таҷлил гардид
ДУШАНБЕ, 04.05.2022 /АМИТ АМИТ «Ховар»/. Имрӯз дар Нозироти андози шаҳри Кӯлоб бахшида ба Рӯзи касбии кормандони мақомоти андоз бо иштироки роҳбарияти шаҳри Кӯлоб, кормандони Нозироти андози шаҳр, кормандони Раёсати молия, намояндагони ташкилоту муассисаҳо ҷамъомади тантанавӣ баргузор шуд, хабар доданд ба АМИТ «Ховар» дар Мақомоти иҷроияи ҳокимияти давлатиии шаҳри Кӯлоб
Раиси шаҳри Кӯлоб Бахтиёр Назарзода иброз намуд, ки андоз яке аз соҳаҳои афзалиятнок ва калидӣ ба шумор рафта, ҳамеша зери таваҷҷуҳи давлату Ҳукумати ҷумҳурӣ қарор дорад. Ягон давлат бе андозу молиёт тараққӣ карда наметавонад. Рушди иҷтимоӣ ва иқтисодии ҳар давлат аз устувории пардохти андозҳо вобастагии калон дорад.
Дар идомаи ҷамъомад роҳбарият ва собиқадорони соҳаи марбутаи шаҳр аз раванди кор дар нозироти андоз ва роҳҳои тайи даврони соҳибистиқлолии мамлакат сипарӣ намудаи он сухан гуфтанд.
Кормандони нозироти андоз аз тарафи масъулини Мақомоти иҷроияи ҳокимияти давлатии шаҳри Кӯлоб барои саҳми арзанда гузоштан дар иҷрои босифати ҷамъоварии андозҳои давлатӣ ва иштироки фаъолона дар корҳои ҷамъиятӣ бо сипоснома ва мукофотҳои пулӣ қадрдонӣ шуданд.
АКС: Мақомоти иҷроияи ҳокимияти давлатиии шаҳри Кӯлоб
Имрӯз дар якчанд идора нишасти матбуотӣ баргузор мегардад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
