ДАР РУСИЯ ШУМОРАИ НАФАРОНИ ДАР ЯК ШАБОНАРӮЗ БО COVID-19 БИСТАРИШУДА СЕ МАРОТИБА АФЗУД. Вазъи коронавирус дар Тоҷикистон чӣ гуна назорат мешавад?

Май 13, 2022 12:00

ДУШАНБЕ, 13.05.2022 /АМИТ «Ховар»/. Дар Русия дар як шабонарӯз 4065 ҳолати гирифторӣ ба COVID-19 ба қайд гирифта шуд, ки як рӯз пеш шумораи он 4102 ҳолатро ташкил медод. Теъдоди бистаришавӣ дар як шабонарӯз 3353 ҳолат (196,2%)-ро ташкил медиҳад, ки нисбат ба 11 май 1132 ҳолат зиёд аст. Шабонарӯзи охир 6930 нафарро аз беморхона рухсат доданд, ки назар ба рӯзи гузашта 37,4% бештар аст. Шабонарӯзи охир дар Русия 111 фавт ба қайд гирифта шудааст, иттилоъ додааст ситоди фаврии федералии мубориза бо COVID-19. Дар ин бора АМИТ «Ховар» бо такя ба рӯзномаи «Коммерсантъ» хабар додааст.

11 май Вазири тандурустӣ Михаил Мурашко ҳушдор дод, ки коронавирус Русияро тарк накардааст. Ба гуфтаи вай, дар айни замон дар Русия беш аз 100 ҳазор нафар «фаъолона беморанд».

Пандемияи коронавирус ҳанӯз дар ҷаҳон хотима наёфтааст,-иброз дошт 11 апрел зимни конфронс дар Женева директори Ташкилоти умумиҷаҳонии тандурустӣ (ТУТ) Тедрос Адханом Гебрейюс. «Пандемияи COVID-19, ки расо ду сол қабл, 11 марти соли 2020 эълон шуда буд, ҳанӯз аз анҷомёбӣ дур аст ва он дар ягон ҷо ба итмом намерасад, то дар ҳама ҷо хотима наёбад»,- гуфт Гебрейюс.

Директори генералии ТУТ Тедрос Адханом Гебрейюс гуфт, ки COVID-19 «мутлақо» охирин пандемия нахоҳад буд, эҳтимоли бемории нав ва миқёси талафот аз он вобаста хоҳад буд, ки одамон аз пандемияи кунунӣ чӣ гуна дарс меомӯзанд.

Тавре Вазири тандурустӣ ва ҳифзи иҷтимоии аҳолии Тоҷикистон Ҷамолиддин Абдуллозода имрӯз ба хабарнигори АМИТ «Ховар» изҳори назар намуд, бо вуҷуди он ки аз 18 феврал инҷониб дар Тоҷикистон ягон ҳолати гирифторӣ ба бемории COVID-19 ба қайд гирифта нашудааст, вазорат ин масъаларо ягон лаҳза аз мадди назар дур накарда,  вазъияти тамоми ноҳияҳои мамлакатро ҳамарӯза тибқи тартиби муайян назорат мекунад.

Ба гуфтаи вазир, бо мақсади пешгирии бемории COVID-19 ҳамарӯза ҷаласаҳои Ситоди Вазорати тандурустӣ ва ҳифзи иҷтимоии аҳолӣ баргузор гардида, масъалаи боздидҳои хона ба хона барои муайян кардани фарогирии эмгузаронии беморон мавриди таҳлилу баррасӣ қарор мегирад.

Дар баробари он ки бо қарори Ситоди ҷумҳуриявӣ оид ба пурзӯр намудани чораҳои зиддиэпидемиявӣ ҷиҳати пешгирии паҳншавии сирояти нави COVID-19 дар Тоҷикистон аз 7 марти соли 2022 якчанд маҳдудият, аз ҷумла пӯшидани ҳатмии ниқобҳои тиббӣ бекор карда шуданд, ба вазоратҳо ва идораҳои дахлдор супориш дода шудааст, ки  “чораҳои зиддиэпидемиявиро ҷиҳати пешгирии паҳншавии сирояти беморӣ идома диҳанд”, зеро пандемияи коронавирус ҳанӯз анҷом наёфта ва риояи қоидаҳои беҳдоштӣ муҳим мебошад.

«Дар айни замон бо мақсади пешгирӣ ва мубориза бар зидди бемории сироятии COVID-19 Маркази иттилоотии зиддибуҳронии пешгирӣ ва мубориза бар зидди сирояти коронавирус бо рақами кӯтоҳи 511 амал мекунад, ки дар кори огоҳонидани мардум ҷиҳати пешгирии ин беморӣ саҳми арзанда гузоштааст», — гуфт Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷ.Абдуллозода.

Барои дарёфти маълумоти навтарин оид ба паҳншавии коронавирус дар ҷаҳон сомонаи моро пайгирӣ намоед!

АКС: АМИТ «Ховар»

Май 13, 2022 12:00

Хабарҳои дигари ин бахш

КОНФРОНСИ ДУЮМИ САТҲИ БАЛАНД ОИД БА МАСЪАЛАҲОИ ОБ ДАР ДУШАНБЕ. То имрӯз ҷиҳати иштирок дар он беш аз 1000 нафар номнавис шудаанд
Пешвои миллат Эмомалӣ Раҳмон 9 майро санаи ёдоварӣ аз муборизаи фидокоронаи фарзандони Тоҷикистон дар ҷабҳаҳои ҷанг хонданд
САҲМИ ФИРИСТОДАГОНИ ТОҶИКИСТОН ДАР ҒАЛАБА. Зиёда аз 250 ҳазор нафар ихтиёрӣ ба фронт рафта, барои таъмини Ғалаба ҷонбозиҳо намудаанд
«ПЕШВОИ МИЛЛАТ — ТАШАББУСКОРИ ҲАДАФҲОИ ҶАҲОНИИ РУШДИ УСТУВОР ДАР СОҲАИ ОБ». Таҳти ин унвон дар Душанбе конференсия доир шуд
ТАВАҶҶУҲ! ДАР РУСИЯ — МАВҶИ НОАЁНИ COVID-19. Шумораи гирифторони коронавирус дар ҷаҳон аз 514 миллион нафар гузашт
ИМРӮЗ — РӮЗИ УМУМИҶАҲОНИИ ОЗОДИИ МАТБУОТ. Тоҷикистон дар раддабандии нави Созмони «Гузоришгарони бидуни марз» 10 зина боло рафт
ШУМОРАИ 108-УМИ БЮЛЛЕТЕН ДАР БОРАИ МУБОРИЗА БАР ЗИДДИ COVID-19 ДАР ИДМ БА НАШР РАСИД. Бахш оид ба Тоҷикистон аз маводи АМИТ «Ховар» иборат аст
МАЪЛУМОТ БАРОИ МУЛОҲИЗА. Пандемия ҳанӯз поён наёфтааст, дар Русия замони хуруҷи нави COVID-19-ро пешгӯӣ намуданд
ДАВЛАТИ ПИРӢ. СММ даъват кард, ки 50 роҳбар барои ҳимояи ҳуқуқи пиронсолон дар кишварҳои худ қадрдонӣ шаванд
Дар Тоҷикистон 93,1 фоизи шаҳрвандон бар зидди сирояти COVID-19 ваксина гирифтаанд
ДАР ТОҶИКИСТОН НАРХИ КАРТОШКА, ҚАНД ВА СӮЗИШВОРӢ АРЗОН ШУД. Ҳукумати мамлакат танзими давлатии нархи маҳсулоти асосии озуқаро ба роҳ мондааст
10 ЗИНА БОЛОТАР! Тоҷикистон мавқеи худро дар раддабандии ҷаҳонии амнияти озуқаворӣ беҳтар сохт