ФУТБОЛ. Дастаи мунтахаби наврасони Тоҷикистон дар мусобиқаи Рушди УЕФА соҳиби ҷойи дуюм гардид

Май 10, 2022 09:33

ДУШАНБЕ, 10.05.2022 /АМИТ «Ховар»/. Дар шаҳри Скопйеи Македонияи Шимолӣ Мусобиқаи байналмилалии рушди УЕФА ба анҷом расид, ки дар он дастаи мунтахаби наврасони то 16-солаи Тоҷикистон оид ба футбол   таҳти роҳбарии Зайниддин Раҳимов мақоми дуюмро касб карда, сазовори медалҳои нуқра гардид, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар мусобиқаи рушди УЕФА дастаи мунтахаби  наврасони Тоҷикистон се бозӣ анҷом дод. Дастпарварони Зайниддин Раҳимов ҳамсолони худро аз Гондурас бо ҳисоби   3:1 шикаст дода, аз дастаҳои мунтахаби наврасони Македонияи Шимолӣ (вақти асосӣ – 3:3, дар пеналти – 4:5) ва Косово (вақти асосӣ – 0:0, аз рӯи пеналти – 3:4) мағлуб шуданд.

Дар натиҷа дастаи  мунтахаби наврасони то 16-солаи  Тоҷикистон   панҷ имтиёз ба даст овард. Ғолиби мусобиқа дастаи мунтахаби наврасони  то 16-солаи Косово (6 хол) гардид. Зинаи сеюми ифтихориро  дастаи мунтахаби наврасони  Македонияи Шимолӣ (4 хол) гирифт.

Мусобиқаи байналмилалии рушди УЕФА байни дастаҳои наврасон (U-16)

Даври 1

Македонияи Шимолӣ – ТОҶИКИСТОН – 3:3. Аз рӯи пеналти – 5:4

Голҳои Тоҷикистон: Билол Бобоев (2), Масрур Ғафуров.

Косово – Гондурас – 2:0

Даври 2

Гондурас – ТОҶИКИСТОН – 1:3

Голҳои Тоҷикистон: Абубакр Сулаймонов, Билол Бобоев, Масрур Ғафуров.

Македонияи Шимолӣ – Косово – 1:1. Аз рӯи пеналтӣ – 4:3

Даври 3

ТОҶИКИСТОН – Косово – 0:0. Аз рӯи пеналтӣ – 3:4

Македонияи Шимолӣ – Гондурас – 0:1

Акс: ФФТ

Май 10, 2022 09:33

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд