Ба ноҳияи Деваштич 13 адад трактори гуногунтамға, 1 адад экскаватор ва 29 адад мошинолоти кишоварзӣ дастрас гардид
ДУШАНБЕ, 22.06.2022 /АМИТ «Ховар»/. 21 июн ба хоҷагиҳои кишоварзии ноҳияи Деваштич дар доираи татбиқи лоиҳаи «Дастгирии соҳаи кишоварзӣ дар заминаи ҷомеа» 13 адад трактори гуногунтамға, 1 адад экскаватор ва 29 адад мошинолоти кишоварзӣ супорида шуд, хабар медиҳад АМИТ «Ховар» ба истинод ба Хадамоти матбуоти Раиси вилояти Суғд.
Дар маросими супоридани техникаҳои кишоварзӣ ба аҳолӣ муовини Сарвазири мамлакат Сулаймон Зиёзода, Раиси вилояти Суғд Раҷаббой Аҳмадзода, масъулини Муассисаи давлатии «Маркази идораи Лоиҳаи «Рушди чорводорӣ ва чарогоҳҳо», роҳбарият ва сокинони ноҳия иштирок намуданд.
Зикр шуд, ки лоиҳаи «Дастгирии соҳаи кишоварзӣ дар заминаи ҷомеа» бо маблағгузории Ҳукумати Ҷумҳурии Тоҷикистон ва Фонди байналмилалии кишоварзӣ дар вилоятҳои Суғду Хатлон ва тобеи ҷумҳурӣ, аз ҷумла ноҳияи Деваштич ва Шаҳристон амалӣ гардида истодааст.
Ҳадафи лоиҳа мусоидат ба рушди иқтисодӣ, беҳтар намудани дастрасии ҷомеа ба инфрасохтори истеҳсолии хизматрасонӣ, афзун намудани дастовардҳои соҳа ва дар натиҷа баланд бардоштани сатҳи зиндагии мардум мебошад.
Муовини Сарвазири мамлакат Сулаймон Зиёзода ва Раиси вилоят Раҷаббой Аҳмадзода ба хоҷагиҳое, ки дар доираи лоиҳаи болозикр соҳиби техника ва мошинолотҳо гардиданд, супориш доданд, ки дар мавсими кишту кори зироатҳои кишоварзӣ техникаҳоро самараноку мақсаднок истифода бурда, саҳми худро дар рушди соҳаи кишоварзӣ гузоранд.
Мавриди зикр аст, ки аз оғози татбиқи лоиҳа тибқи дархост ва зерлоиҳаҳои мақомоти худфаъолияти ҷамъиятӣ ба ноҳияи Деваштич 40 трактори гуногунтамға, 8 комбайн, 1 экскаватор ва зиёда аз 100 мошинолоти гуногун дасрас гардидааст. Инчунин дар доираи лоиҳа ҳамзамон дар деҳаи Хуштоири Мухлони ноҳия як адад чоҳи амудӣ кофта, ба истифода дода шуд.
АКС: Хадамоти матбуоти Раиси вилояти Суғд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
Намоишгоҳи «Ихтироъкорон ва навоварони соҳаи нақлиёт» баргузор шуд
