Дар ноҳияи Фирдавсӣ конференсияи VI ҳисоботӣ-интихоботии Кумитаи иҷроияи ибтидоии «Соҳибкор» баргузор гардид

Июнь 22, 2022 09:59

ДУШАНБЕ, 22.06.2022 /АМИТ «Ховар»/. 21 июн дар Кумитаи иҷроияи ибтидоии «Соҳибкор»-и Донишгоҳи байналмиллалии сайёҳӣ ва соҳибкории Тоҷикистон Конференсияи VI ҳисоботӣ-интихоботӣ баргузор гардид. Дар ин бора мудири шуъбаи таблиғот ва иттилооти КИ ҲХДТ дар ноҳияи Фирдавсӣ Муслим Усмонзода ба АМИТ «Ховар» иттилоъ дод.

Дар конференсияи мазкур муовини якуми раиси Ҳизби Халқии Демократии Тоҷикистон Абдуҷаббор Азизӣ, роҳбарияти Кумитаҳои иҷроияи ҳизбии шаҳриву ноҳиявӣ, вакилони Маҷлиси вакилони халқи ноҳияи Фирдавсӣ, аъзои Кумитаи иҷроияи ноҳиявии ҳизб, собиқадорони ҲХДТ, раиси Кумитаи иҷроияи ибтидоии «Соҳибкор» ва аъзои ташкилоти ҳизбӣ иштирок намуданд.

Сараввал ҳисоботи раиси КИИ «Соҳибкор» оид ба фаъолияти Кумита аз моҳи июни соли 2020 то моҳи июни соли 2022 ва вазифаҳо барои фаъолияти минбаъда шунида шуд. Зикр гардид, ки дар давраи ҳисоботӣ 391 нафар кормандон дар Кумитаи иҷроияи ибтидоии «Соҳибкор» ба сафи ҳизб пайвастанд. Ҳолати номуайянии шумораи аъзои ҳизб тибқи ҳисоботи оморӣ дар Кумитаи иҷроияи ибтидоӣ ба пуррагӣ бартараф гардидааст. Ҳамчунин дар маҷлис масъалаҳои дигари рӯзнома низ баррасӣ гардиданд.

Тибқи муқаррарот раиси Кумитаи иҷроияи ибтидоии «Соҳибкор» Убайдулло Асрорзода бо тарафдории аксарияти аъзои ҳизб интихоб карда шуд.

Дар идомаи маҷлис Абдуҷаббор Азизӣ баромад карда, ҳозиринро ба 25-умин солгарди ба имзо расидани Созишномаи умумии истиқрори сулҳ ва ризояти миллӣ табрик намуда, иброз дошт, ки «Ваҳдати миллӣ падидаи воқеан мураккаби иҷтимоиест, ки баёнгари сатҳи ташаккули миллӣ буда, дар ҷавҳари миллат тағйироти сифатӣ ва тавонмандии рақобатпазирӣ ба вуҷуд меоварад ва афроди миллатро муттаҳиду нерӯҳои зеҳниву ҷисмии онҳоро барои ҳифзи манофеи миллӣ ва расидан ба ҳадафҳои умумӣ мутамарказ карда, миллатро ҳамчун низоми иҷтимоӣ ва сиёсӣ ташаккул медиҳад».

Азизӣ Абдуҷаббор оид ба таҳкими фаъолияти ҳизбӣ ва масъулиятнокии ҳар як аъзои ҳизб суханронӣ намуда, иброз дошт, ки ҲХДТ бо аъзои зиёда аз ниммиллионнафараи худ яке аз ҳизбҳои пурнуфуз натанҳо дар ҷумҳурӣ, балки дар қаламрави ИДМ маҳсуб шуда, дар кулли самтҳои фаъолияти иқтисодиву иҷтимоии мамлакат нақши муассир дорад. Дар фарҷом ба як қатор аъзои фаъоли Кумитаи иҷроияи ибтидоии «Соҳибкор»,  ки дар амалигардонии Барномаҳои ҲХДТ саҳм гузоштанд бо сипоснома ва ифтихорномаи Кумитаи Иҷроияи Марказии ҲХДТ қадрдонӣ гардиданд. Ҳамзамон, ҷавононе ки бори аввал ба узвияти ҲХДТ пайвастанд, ба онҳо шаҳоданомаҳои ҳизбӣ тақдим карда шуданд.

АКС: КИ ҲХДТ дар н.Фирдавсӣ

Июнь 22, 2022 09:59

Хабарҳои дигари ин бахш

Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд