Дар остонаи Рӯзи Ваҳдати миллӣ Варзишгоҳи марказии шаҳри Ҳисор баъди навсозӣ мавриди истифода қарор мегирад
ДУШАНБЕ, 14.06.2022 /АМИТ «Ховар»/. То ҷашни 25-умин солгарди Ваҳдати миллӣ Варзишгоҳи марказии шаҳри Ҳисор «Ҷавонон» пурра аз таъмир бароварда шуда, дар он барномаи калони фарҳангӣ бахшида ба 25 –умин солгарди Рӯзи Ваҳдати миллӣ дар сатҳи баланд таҷлил мегардад. Дар ин бора АМИТ «Ховар» бо истинод ба мақомоти иҷроияи ҳокимияти давлатии шаҳри Ҳисор иттилоъ медиҳад.
Тибқи иттилои манбаъ, то имрӯз корҳои асосии таъмир дар варзишгоҳ ва толору утоқҳои мактаби варзишии ба номи Абдуманнон Зокиров, ки дар ҳудуди варзишгоҳ ҷойгир аст, қисман ба анҷом расидаанд. Айни замон сохтмончиён ба ороиши шифту деворҳои дохил ва намои беруна, рангубори дару тиреза ва панҷараҳои оҳанин машғул мебошанд.
Раиси шаҳри Ҳисор Қосим Роҳбар зимни боздид аз ин иншоот бо ҷараёни корҳои навсозии варзишгоҳ шинос гардида, ба масъулин ва сохтмончиён барои босифат ва дар муҳлати муайянгардида ба анҷом расонидани корҳои таъмиру таҷдид дастур дод.
Масъулон тасмим гирифтаанд, ки дар арафаи таҷлили ҷашни 25-солагии Рӯзи Ваҳдати миллӣ таъмири варзишгоҳро, ки барои баргузор намудани чорабиниҳои пуршукӯҳи оммавӣ макони муносиб аст, бо сатҳу сифати баланд ба анҷом расонанд ва ба ҷавонону сокинони шаҳр чун армуғони идона туҳфа намоянд.
Бояд тазаккур дод, ки Варзишгоҳи марказии Ҳисор соли 2015 сохта ба истифода дода шуда, яке аз варзишгоҳҳои бузург дар ҷумҳурӣ мебошад, ки имкони ҷой додани 20 ҳазор нафарро дорад. Дар он мусобиқаҳои бузурги сатҳи байналмилалӣ, аз ҷумла футбол гузаронида мешавад.
АКС: Мақомоти иҷроияи ҳокимияти давлатии шаҳри Ҳисор










Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд






