Таҳти раёсати Сарвазири мамлакат Коҳир Расулзода ҷаласаи хотимавии Конфронси дуюми байналмилалии сатҳи баланд баргузор гардид
ДУШАНБЕ, 08.06.2022 /АМИТ «Ховар»/. Имрӯз, 8 июн таҳти раёсати Сарвазири Ҷумҳурии Тоҷикистон Қоҳир Расулзода ва муовини Дабири кулли Созмони Миллали Муттаҳид Лю Женмин ва намояндагони давлатҳои иштирокчии Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 чорабинии хотимавӣ баргузор гардид, хабар медиҳад мухбири АМИТ «Ховар».
Ёдовар мешавем, ки дар доираи Конфронс 5 форуми сатҳи баланд, 9 ҷаласаи пленарии мавзўӣ, 3 панели интерактивӣ, 11 конфронсу чорабинӣ, Фестивали об ва марафони варзишӣ дар Ҷумҳурии Тоҷикистон гузаронида шуд.
Дар чорабинии хотимавӣ мавзӯъҳои таи чанд рӯз дар ҳошияи Конфронс мавриди таҳлил қарор гирифта, аз моҳияти он натиҷагирӣ карда шуд.
Таҳлилгарону коршиносон, ки ҷиҳати иштирок дар ин чорабинии сатҳи баланд ба Ҷумҳурии Тоҷикистон ташриф овардаанд, аҳамияти ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмон дар соҳаи обу иқлим саривақти ҳисобида дурнамои рушди онро барои ҷомеаи ҷаҳонӣ натиҷабахш арзёбӣ намуданд.
Қоҳир Расулзода таъкид кард, ки Конфронси дуюми Душанбе платформаи муттаҳидсозӣ ва дарёфти иттилооти зарурӣ оид ба об гардида, низомеро таҳия хоҳад кард, ки ҳукуматҳо, СММ ва дигар шарикон нақшаву ҳадафҳои неки худро тавассути он амалӣ хоҳанд намуд.
Конфронс аз ҷониби Ҳукумати Ҷумҳурии Тоҷикистон дар Ҳамкорӣ бо СММ ва дигар шарикон ташкил гардида, он ба Конфронси СММ оид ба баррасии миёнамўҳлати Даҳсолаи об, ки 22-24 марти соли 2023 дар Ню-Йорк гузаронида мешавад, занҷираи марказӣ хоҳад буд.
Иштирокчиённи Конфросн зимни суханрониҳо хеш саҳми Президенти Ҷумҳурии Тоҷикистон муҳтарам Эмомалӣ Раҳмонро дар самти ҳаллу фасли масоили об ва иқлим бузург арёбӣ карданд. Таъкид карда шуд, ки ҳамкорӣ дар самти об ва тағйирёбии иқлим аз сатҳи маҳаллӣ, минтақавӣ ва байналмилалӣ метавонад дар татбиқи пурраи ҳадафҳои Даҳсолаи нави «Об барои рушди устувор, солҳои 2018-2028» нақши арзишманд гузорад. Суръат бахшидан ба ҳамкорӣ ҷиҳати ноил шудан ба ҳадафҳои оби Рўзномаи рушди 2030 масъалаи меҳварии Конфронси дуюми байналмилалии сатҳи баланд оид ба татбиқи Даҳсолаи байналмиллалии «Об барои рушди устувор, солҳои 2018-2028» ташкил медиҳад.
Баргузории Конфронси дуюми сатҳи баланд оид ба Даҳсолаи байналмиллалии «Об барои рушди устувор, солҳои 2018-2028» дар Ҷумҳурии Тоҷикистон майдони васеи муколама, баррасиии мавзўъҳои рўзмарраи об ва иқлимро бо иштироки коршиносони сатҳи ҷаҳонӣ ба миён овард.
АКС: АМИТ «Ховар»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
ДУШАНБЕ-МАРКАЗИ ҚАБУЛИ ҚАРОРҲОИ МУҲИМИ БАЙНАЛМИЛАЛӢ. Дар ҳошияи Конфронси байналмилалии сатҳи баланд оид ба ҳифзи пиряхҳо
Дар Душанбе хатари офатҳои табиии марбут ба пиряхҳоро баррасӣ намуданд
Дар доираи Конфронси байналмилалии сатҳи баланд оид ба ҳифзи пиряхҳо масоили об ва иқлим баррасӣ гардид
