Ҳунарманди тоҷик Ҳотам Салимов барои нақши бобои Қоқу сазовори «Диплом»-и номинаи «Беҳтарин кори актёрӣ» гардид
ДУШАНБЕ, 07.06.2022. /АМИТ «Ховар»/. Ҳунарманди Театри давлатии ҷумҳуриявии лӯхтаки шаҳри Душанбе Ҳотам Салимов дар Фестивали дуюми байналмилалии театрҳои лӯхтак таҳти унвони «Чорсӯ» (Перекрёсток) барои нақши бобои Қоқу дар намоиши «Гули қоқу» сазовори «Диплом» -и номинаи «Беҳтарин кори актёрӣ» гардид, хабар доданд ба АМИТ «Ховар» дар Вазорати фарҳанги Ҷумҳурии Тоҷикистон.
Фестивали дуюми байналмилалии театрҳои лӯхтак таҳти унвони «Чорсӯ» (Перекрёсток) дар шаҳри Новосибирски Федератсияи Русия бахшида ба Рӯзи байналмилалии ҳифзи кӯдакон аз 1 то 5 июн баргузор гардид.
Театри давлатии ҷумҳуриявии лӯхтаки шаҳри Душанбе бо дастгирии Вазорати фарҳанги Ҷумҳурии Тоҷикистон дар Фестивали мазкур намоиши «Гули қоқу» («Одуванчик»)-ро манзури тамошобинон намуд.
Ин спектакл, ки маҳбуби кӯдакони Тоҷикистон шуда, ба фестивал пешкаш гардид, афсонаест дар бораи некӣ ва муҳаббат ба наздикон.
Гули қоқуи хурдакак, ки дар марғзори ҷангал мерӯяд ва имкони ҳаракат кардан надорад, илоҷе карда, ба ҳама эҳтиёҷмандон некӣ мекунад. Вай хурд аст, аммо дили бузургу меҳрубон дорад. Дар паҳлӯи ӯ бобои кӯҳансол — Қоқу мерӯяд, ки ҳамеша аз ҳама чиз норизо аст. Аммо дар фарҷом, корҳои нек ва сурудҳои Гули қоқу, инчунин ҳама чизе ки дар атрофи ӯ рух медиҳанд, бобои Қоқуро тағйир медиҳанд.
Муаллифи намоиши «Гули қоқу» Маҳинбону Гасанова ва коргардони таҳиягар Мунира Зоирова мебошанд ва он бо забони русӣ омода гардидааст.
Роҳбари бадеии Театри давлатии ҷумҳуриявии лӯхтаки шаҳри Душанбе Наргис Розиқзода иброз дошт, ки «Ҳунарпешагони театри мо дар радифи дувоздаҳ кишвари ҷаҳон санъати бостонии лӯхтакбозии мардуми тоҷикро дар ин фестивали байналмилалӣ муаррифӣ намуда, намоиши «Гули қоқу» -ро пешниҳод карданд, ки писанди тамошобинон ва аъзои ҳакамон гардид».
Дар фестивали мазкур ҳунарпешагони театрҳои Федератсияи Русия, аз ҷумла актёрони театрҳои лӯхтаки шаҳрҳои Москва, Санкт-Петербург, Перм, Барнаул, Ҷумҳурии Халқии Донетск, шаҳри Витебски Ҷумҳурии Беларус ва шаҳри Алмаатои Ҷумҳурии Қазоқистон намоиши худро манзури тамошобинони сершумор намуданд.
АКС: Вазорати фарҳанги Ҷумҳурии Тоҷикистон
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
