ВОЛЕЙБОЛ. Дар Душанбе мусобиқаи байналмилалӣ бо иштироки дастаҳои Тоҷикистон, Узбекистон ва Қазоқистон идома дорад

ДУШАНБЕ, 17.06.2022 /АМИТ «Ховар»/. 15 июн дар шаҳри Душанбе Мусобиқаи байналмилалӣ оид ба волейбол миёни ҷавонони то 23-сола оғоз гардид, ки он то 20 июн идома меёбад. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.

Тавре котиби генералии Федератсияи волейболи Тоҷикистон Муҳиб Латипов иттилоъ дод, дар мусобиқаи мазкур  дастаҳои волейболи Тоҷикистон, Узбекистон ва Қазоқистон ширкат доранд.

Мусобиқа тибқи системаи даврӣ дар ду давр баргузор мешавад. Дастаҳо миёни ҳам ду бозигӣ анҷом медиҳанд. Дар рӯзи аввал – 15 июн Тоҷикистону Қазоқистон сабқат карданд ва дастаи Қазоқистон бо ҳисоби 3:2 ғалаба кард.

Имрӯз, 17 июн Узбекистон бо Тоҷикистон вомехӯрад.  18 июн Тоҷикистон бо Узбекистон, 19 июн Қазоқистон бо Узбекистон ва 20 июн Тоҷикистон бо Қазоқистон бозӣ мекунанд.

АКС: КМО Тоҷикистон