Дар Донишкадаи давлатии фарҳанг ва санъати Тоҷикистон шуъбаи «ҳаҷвнигорӣ» таъсис дода мешавад
ДУШАНБЕ, 15.07.2022. /АМИТ «Ховар»/. Роҳбарияти Донишкадаи давлатии фарҳанг ва санъати Тоҷикистон ба номи Мирзо Турсунзода тасмим гирифтааст, ки дар ояндаи наздик шуъбаи «ҳаҷвнигорӣ»-ро таъсис диҳад. Ин матлабро Ректори Донишкадаи давлатии фарҳанг ва санъати Тоҷикистон Муҳриддин Низомӣ имрӯз зимни нишасти матбуотӣ ба хабарнигорон баён дошт.
«Солҳои охир санъати ҳаҷви тоҷик ба қавле «кӯчагӣ» шудааст. Зеро бо пайдо гардидани шабакаҳои иҷтимоӣ дар фазои санъати ҳаҷв чандин гурӯҳҳои хурди ғайрикасбӣ низ ворид гардидаанд. Ин гурӯҳҳо ҷойи санъати касбиро ба саҳнаҳои бемаънию бемантиқ пур намудаанд. Аз ин хотир, тасмим гирифтем, ки дар оянда шуъбаи алоҳида вобаста ба ин намуди санъат таъсис дода, беҳтарин устодону донандагони ин риштаро ба кор ҷалб намоем, то фазои санъати ҳаҷвро дубора пурқувват намоем», — гуфт Ректори Донишкада.
Гуфта шуд, ки Донишкадаи давлатии фарҳанг ва санъати Тоҷикистон дорои ду факултет дар самти тайёр намудани мутахассисони соҳаи кино ва театр мебошад: факултаи санъати театрӣ ва факултаи режиссура, кино ва телевизион.
Дар нишасти матбуотӣ иттилоъ дода шуд, ки донишкада имрӯз бо 42 донишгоҳу донишкадаҳои кишварҳои хориҷ, аз ҷумла Русия, Чин, Беларус, Озарбойҷон, Қазоқистон, Узбекистон, Афғонистон ва Словакия созишномаву шартномаҳои ҳамкорӣ ба имзо расонида, дар доираи ин санадҳо равобити илмӣ, таълимӣ ва эҷодиро самаранок ба роҳ мондааст.
Дар доираи ин ҳамкорӣ дар донишкада аз ҷониби устодони санъату ҳунар ва санъатшиносони машҳури ин давлатҳо ба донишҷӯён дарсҳои маҳорат (мастер-классҳо) баргузор карда мешаванд.
Зарангези ЛАТИФ,
АМИТ «Ховар»
АКС: АМИТ «Ховар»
ТАМАДДУНИ ОРИЁӢ. Дар Душанбе дар ин мавзуъ Симпозиуми байналмилалии сатҳи баланд баргузор мегардад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
Эҳёи хотираи таърихӣ ва таҳкими ҳувияти миллӣ вазифаи муқаддаси ҳар сокини ҷумҳурӣ аст
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ давраи омузишӣ баргузор шуд
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
