Дар Душанбе нахустин Чемпионати Ассотсиатсияи футболи Осиёи Марказӣ миёни дастаҳои мунтахаби занона ба анҷом расид

Июль 21, 2022 11:44

ДУШАНБЕ, 21.07.2022 /АМИТ «Ховар»/. Шоми дирӯз  дар Варзишгоҳи марказии шаҳри Душанбе бозиҳои даври 5-уми  нахустин Чемпионати Ассотсиатсияи футболи Осиёи Марказӣ миёни дастаҳои  мунтахаби занона дар таърих баргузор шуданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дастаи  мунтахаби занонаи  Узбекистон оид ба футбол  пас аз шикаст додани дастаи мунтахаби занонаи  Эрон бо ҳисоби 1:0  шумораи имтиёзҳояшонро ба 12 адад расонида, дар садри ҷадвали мусобиқа қарор гирифт ва медалҳои тиллои  нахустин Ҷоми мусобиқаро ба даст овард.

Дастаи   мунтахаби  занонаи  Эрон барандаи медали нуқра ва дастаи мунтахаби занонаи  Қирғизистон  пас аз ғолиб омадан  бо ҳисоби 1:0 бар дастаи мунтахаби занонаи  Тоҷикистон барандаи медали биринҷӣ шуданд. Дар зинаҳои 4 ва 5-ум  дастаҳои мунтахаби занонаи  Туркманистон бо 2 имтиёз ва Тоҷикистон бо  1 имтиёз қарор гирифтанд.

Чемпионати CAFA-2022 миёни дастаҳои миллии занона

Даври 4

Эрон – Туркманистон – 4:0

Голҳо: Ҳастӣ Фурӯзанда, 4 (1:0). Малика Мутаваллитоҳир, 28 (2:0). Афсона Чатренур, 70 (3:0). Муҳаддише Зулфӣ, 74 (4:0).

Беҳтарин бозигари бозӣ: Афсона Чатренур (Эрон).

17 июл. Душанбе. Варзишгоҳи марказии ҷумҳуриявӣ. 100 тамошобин.

Қирғизистон – Узбекистон – 0:7

Голҳо: Нилуфар Қудратова, 7 (0:1). Зиёда Ирисбоева, 11 (0:2). Нилуфар Қудратова, 41 (0:3). Мадина Ҳикматова, 45+1 (0:4). Зиёда Ирисбоева, 57 (0:5). Диёрахон Ҳабибуллоева, 78 (0:6). Заррина Маматкаримова, 82 (0:7).

Беҳтарин бозигари бозӣ: Нилуфар Қудратова (Узбекистон).

17 июл. Душанбе. Варзишгоҳи марказии ҷумҳуриявӣ. 100 тамошобин.

Дар даври 5-ум вомехӯранд:

20 июл (чоршанбе)

19:00 – Узбекистон – Эрон-1:0

Гол: Мафтуна Шоимова, 86.

Беҳтарин  бозингари  вохӯрӣ: Нилуфар  Қудратова  аз Узбекистан.

22:00 – Тоҷикистон – Қирғизистон-0:1

Гол: Аяна Каратаева, 21.

Беҳтарин  бозингари  бозӣ : Аяна Каратаева  аз  Қирғизистон.

Акс: ФФТ

Июль 21, 2022 11:44

Хабарҳои дигари ин бахш

ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд