Дар Муъминобод ҳосил фаровон буда, коркарди мева ривоҷ меёбад
МУЪМИНОБОД, 05.07.2022 /АМИТ «Ховар»/. Кишоварзони ноҳияи Муъминобод бештар ба соҳаи боғу токпарварӣ машғул буда, ҳамасола боғҳои нав бунёд менамоянд. Дар ноҳия садҳо гектар боғ мавҷуд буда, дар онҳо себ, зардолу, олуча, гелос, шафтолу, нок ва дигар навъҳои мевагӣ парвариш меёбанд, иттилоъ медиҳад хабарнигори минтақавии АМИТ «Ховар».
Имсол ҳосилнокии меваҳо нисбат ба солҳои қабли ду баробар афзуда, дар бозор ва мағозаҳо бо нархи нисбатан арзон ба фурўш бароварда шуданд. Масалан, нархи 1 кг гелос аз 13 сомонӣ ба 5 сомонӣ, нархи 1 кг олу аз 8 сомонӣ ба 2,5 сомонӣ, 1 кг зардолу аз 4 сомонӣ ба 2 сомонӣ поин фаромад, ки аҳолии ноҳия тавонистанд бемамоният аз ин меваҳо истифода бурда, консерваҳои хонагӣ тайёр намоянд.
Хоҷагии деҳқонии «Абдуқаҳор» дар майдони 4 гектар боғ бунёд намудааст. Деҳқонон дар байни қатори дарахтон юнучқа корида, онро дарав мекунанд ва барои чорвои хоҷагиашон захира менамоянд.
Роҳбари хоҷагии мазкур Шамсиддин Маҷидов иттилоъ дод, ки имсол дар ноҳияи Муъминобод мева хеле фаровон буда, онҳо бо корхонаҳои коркарди мева шартнома бастаанд. Яке аз онҳо корхонаи коркарди меваю сабзавот ва коргоҳи истеҳсоли маҳсулоти ширии холиси ҶДММ «Заркорон» мебошад, ки соли 2019 бо иштироки Президенти мамлакат, Пешвои миллат муҳтарам Эмомалӣ Раҳмон ифтитоҳ гардида буд.
Айни замон корхона дар се баст фаъолият дошта, меваю сабзавоти кишоварзонро коркард ва банду баст менамояд. Ҳоло дар ин сех аз меваҳои шаҳдбори маҳаллӣ нўшобаю афшура ва дигар намуди консерваҳо истеҳсол карда мешавад.
АКС: АМИТ «Ховар»
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
