Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
ДУШАНБЕ, 30.06.2026 /АМИТ «Ховар»/. 26 июн Раиси вилояти Хатлон Давлаталӣ Саид дар шаҳри Алмаатои Қазоқистон бо роҳбарону намояндагони диаспораи тоҷикон, ҳамватанон ва соҳибкорони бурунмарзӣ вохӯрӣ намуд. Дар ин хусус «АМИТ «Ховар» бо истинод ба Хадамоти матбуоти раиси вилояти Хатлон хабар медиҳад.
Дар вохӯрӣ оид ба қабули ташаббуси навбатии Ҷумҳурии Тоҷикистон аз ҷониби Маҷмаи Умумии Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда (2027–2036)» ёдоварӣ шуда, онро амри зарурӣ ва саривақтӣ унвон намуданд.
Иброз гардид, ки ин қатънома, ки бори аввал бо ташаббуси Президенти Ҷумҳурии Тоҷикистон муҳтарам Эмомалӣ Раҳмон пешниҳод гардид, бозгӯи ҷойгоҳи баланд ва нақши созандаи Тоҷикистон дар таҳкими сулҳу суботи ҷаҳонӣ буда, эътимоди ҷомеаи байналмилалиро ба сиёсати сулҳпарваронаи мамлакати мо боз ҳам таҳким мебахшад.
Давлаталӣ Саид аз фаъолияти созанда ва саҳми тоҷикони муқими Қазоқистон дар муаррифии Тоҷикистони соҳибистиқлол изҳори қаноатмандӣ намуда, изҳор дошт, ки имрӯз муносибатҳои дӯстона ва ҳамкории стратегӣ байни Тоҷикистон ва Қазоқистон босуръат рушд намуда, вохӯриҳои мунтазами сарони давлатҳо барои густариши робитаҳои сиёсӣ, иқтисодӣ ва фарҳангӣ заминаи мусоид фароҳам меорад.
Инчунин Раиси вилоят оид ба омодагиҳои густурда ба истиқболи ҷашни 35-солагии Истиқлоли давлатии Ҷумҳурии Тоҷикистон сухан намуда, иброз намуд, ки бо дастуру ҳидоятҳои Пешвои миллат дар саросари мамлакат корҳои ободониву созандагӣ идома дошта, танҳо дар вилояти Хатлон бунёду навсозии 6260 иншооти таъиноти гуногун ба нақша гирифта шуда, қисми зиёди он мавриди истифода қарор гирифтаанд.
Раиси вилоят зимни баррасии вазъи ҷаҳони муосир аз таъсири низоъҳои сиёсиву низомӣ, таҳримҳои иқтисодӣ, тағйирёбии иқлим, хушксолӣ ва камобӣ ёдовар шуда, таъкид намуд, ки дар чунин шароит рушди истеҳсолоти ватанӣ ва истифодаи самараноки захираҳои дохилӣ аҳамияти махсус пайдо мекунад.
Аз соҳибкорон даъват гардид, ки дар таъсиси корхонаҳои нави истеҳсолӣ, афзоиши ҳаҷми содироти маҳсулот ва таъсиси ҷойҳои нави корӣ саҳми бештар гузоранд.
АКС: Хадамоти матбуоти раиси вилояти Хатлон
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
