Дар шаҳри Турсунзода корхонаи нави истеҳсоли чиниворӣ бунёд мешавад
ДУШАНБЕ, 25.07.2022 /АМИТ «Ховар»/. Дар доираи эълони Солҳои рушди саноат (2022-2026) дар Тоҷикистон дар шаҳри Турсунзода 23 корхонаи истеҳсолии саноатӣ бунёд мегарданд, ки яке аз онҳо корхонаи нави чиниворӣ мебошад. Дар ин бора Раиси шаҳри Турсунзода Парвиз Акрамзода зимни нишасти матбуотӣ изҳори назар намуд.
Ба гуфтаи ӯ, ширкати маҳаллии “Амонҷон” тасмим гирифтааст, ки анъанаҳои тавлиди маснуоти чинивориро дар шаҳри Турсунзода эҳё намояд. Корхона бо такя ба анъанаҳои кӯҳнаи истеҳсоли маҳсулоти фахфур ва таҷрибаи мутахассисони собиқ қарор дод, ки корхонаи чинивориро дар ҷамоати Регар, начандон дуртар аз мавзеи собиқ корхонаи чиниворӣ бунёд кунад.
Ҳоло сохтмони инфрасохтор ва коргоҳҳои асосӣ идома дошта, дар майдони сохтмон неруи барқ, об, қубур ва зарфҳо барои ворид шудани гази табиӣ аз Узбекистони ҳамсоя насб шудаанд.
Ашёи хоми асосӣ — каолин дар Тоҷикистон мавҷуд буда, гили каме босифаттарро аз дигар мамлакатҳо овардан мумкин аст. Пеш каолини босифат аз Украина оварда мешуд.
Баъди ба охир расидани сохтмон васлу насби таҷҳизот cap шуда, корхона ба истеҳсоли маҳсулоти аввалин шурӯъ мекунад.
Ба гуфтаи Парвиз Акрамзода, “маҳсулот ба тамоми меъёрҳо ҷавобгӯ буда, ба содирот нигаронида шудааст. Вай ҳамчунин гуфт, дар маҷмӯъ дар шаш моҳи соли ҷорӣ ҳаҷми тавлидоти маҳсулоти саноатӣ дар шаҳри Турсунзода 485,8 миллион сомониро ташкил дод, ки нисбат ба ҳамин давраи соли гузашта 75 миллион сомонӣ ё 18,2 фоиз зиёд аст”.
Қаблан дар шаҳри Турсунзода корхонаи чиниворӣ мавҷуд буд, ки дар авҷи фаъолияти худ то 16 миллион адад маҳсулот истеҳсол мекард ва дар он беш аз 2 ҳазор нафар кор мекарданд. Баъди пошхӯрии Иттиҳоди Шӯравӣ ин корхона муддати тӯлонӣ бекор меистод. Таҷҳизот қисман вайрон ва кӯҳна шуда буд. Пас аз 10 сол ба барқароркунии корхона шурӯъ карданд.
Барои фаъолияти коргоҳҳои истеҳсолӣ гази табиӣ лозим буд, вале аз сабаби набудани он қарор доданд аз ангишт истифода баранд. Истеҳсоли хишти бинокорию ороишӣ, инчунин бист намуди зарфҳои чинию сафолӣ ба роҳ монда шуд.
Аммо маснуоти чиниворие, ки бо ангишт пухта мешуд, аз ҷиҳати сифат на он қадар хуб буда, дар бозор харидор наёфт.
Ҳоло завод хишт ва дигар маҳсулот мебарорад, вале истеҳсоли зарфҳои чинивориро бинобар манфиатовар набудан қатъ кардааст.
АКС аз манбаъҳои боз
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
