Намояндагони Тоҷикистон дар ҷаласаи Шӯрои байнидавлатии ИДМ оид ба стандартизатсия, метрология ва сертификатсия иштирок карданд
ДУШАНБЕ, 14.07.2022 /АМИТ «Ховар/. Намояндагони Тоҷикистон дар ҷаласаи 61-уми Шӯрои байнидавлатии ИДМ оид ба стандартизатсия, метрология ва сертификатсия бахшида ба 30-умин солгарди таъсиси Шӯро иштирок карданд. Ҷаласа 13-14 июл дар Тошканд баргузор шуд. Дар ин бора ба АМИТ «Ховар» дар маркази матбуоти Кумитаи иҷроияи ИДМ хабар доданд.
Дар ҷаласа намояндагони давлатҳои аъзо, аз ҷумла Арманистон, Беларус, Қазоқистон, Қирғизистон, Озарбойҷон, Русия, Тоҷикистон, Узбекистон ва Бюро оид ба стандартҳои Шӯрои байнидавлатӣ оид ба стандартизатсия, метрология ва сертификатсия, инчунин намояндаи Кумитаи иҷроияи ИДМ ва дигар давлатҳо ширкат варзиданд.
Ҳайати Тоҷикистонро муовини якуми директори Агентии стандартизатсия, метрология, сертифкатсия ва нозироти савдои назди Ҳукумати Ҷумҳурии Тоҷикистон Раҳмоншо Мирзоён роҳбарӣ кард.
Ҷаласаро муовини Раиси Кумитаи иҷроия – Котиби иҷроияи ИДМ Илҳом Неъматов ифтитоҳ намуда, зикр кард, ки 30 сол пеш, моҳи марти соли 1992 ба имзо расидани Созишнома дар бораи сиёсати ҳамоҳангшуда дар соҳаи стандартизатсия, метрология ва сертификатсия дар ҳаёти иқтисодии ИДМ рӯйдоди муҳим ва заминаи ҳуқуқии таъсиси Шӯрои байнидавлатӣ оид ба стандартизатсия, метрология ва сертификатсия гардид.
Тайи ин солҳо Шӯро муваффақона амал кард. Ба шарофати саъю кӯшиши якҷояи кишварҳои ИДМ ва Шӯро имкон фароҳам омад, ки ба масъалаҳои стандартизатсия, метрология ва сертификатсия муносибати умумӣ нигоҳ дошта шаванд ва ин дар навбати худ ба рушди иқтидори содиротии давлатҳои аъзо мусоидат кард.
Мутобиқи Қарори Шӯрои Иқтисодии ИДМ аз 18 марти соли 2022, дар доираи барномаи чорабиниҳои ИДМ мукофотонидани лауреатҳо ва ғолибони озмуни Ҷоизаи ИДМ-2021 барои дастовардҳо дар соҳаи сифати маҳсулот ва хизматрасонӣ баргузор гардид. 18 ташкилот аз Беларус, Қазоқистон, Қирғизистон, Русия, Тоҷикистон ва Узбекистон иштирокчиёни финали озмун буданд. 10 ташкилот, аз ҷумла ҶДММ «Ҷавонӣ»-и Тоҷикистон Ҷоизадор (Лауреат) гардида, 8 ташкилоти дигар, аз ҷумла ҶДММ «Қолинҳои Қайроққум» соҳиби диплом шуданд.
Илова бар ин, дар ҷаласа масъалаҳои вобаста ба рушди стандартизатсия, метрология, баҳодиҳии мутобиқат ва аккредитатсия барои баланд бардоштани сифат ва рақобатпазирии маҳсулоти истеҳсолшаванда, бартараф намудани монеаҳои техникӣ дар савдои байни давлатҳои аъзои ИДМ, фаъолияти комиссияҳои илмӣ-техникӣ ва тақвият додани робитаҳои илмӣ-техникӣ мавриди таҳлил қарор дода шуда, дар ин раванд намояндагони мақомоти минтақавии соҳавӣ ҳамчунин фикру мулоҳизаҳои худро оид ба такмил додани ҳамкорӣ изҳор намуданд.
Акрамхоҷа АКБАР,
АМИТ «Ховар»
АКС: Агентии «Тоҷикистандарт»
Ташаббусҳои глобалии Президенти Тоҷикистон дар самти обу иқлим ва ҳифзи пиряхҳо дар Женева тарғиб мегардад
«АГРО ЛАБ». Дар вилояти Хатлон Маркази машваратӣ ва ташхисгоҳи кишоварзӣ ифтитоҳ ёфт
«Амонатбонк» ва Бонки аврупоии таҷдид ва рушд ҳамкории молиявиро густариш медиҳанд
Дар ҳошияи ифтитоҳи Соли байналмилалии ҳифзи пиряхҳо дар Женева ташаббусҳои ҷаҳонии Президенти Тоҷикистон тарғиб карда мешаванд
Дар Душанбе ба муносибати иди касбии кормандони мақомоти гумрук маҷлиси тантанавӣ доир гардид
ИМРӮЗ-РӮЗИ КОРМАНДОНИ МАҚОМОТИ ГУМРУК. Барномаи миёнамуҳлати рушди мақомоти гумруки Тоҷикистон ба маъмурикунонӣ ва рақамикунонии соҳа мусоидат намуд
Дар Вазорати рушди иқтисод ва савдо оид ба Паёми Президенти Тоҷикистон ба Маҷлиси Олӣ ҳамоиш доир шуд
Тоҷикистон ва Эрон дар заминаи беҳдошти чорво ва байторӣ Ёддошти тафоҳум ба имзо расониданд
Дар Женева таҷлили Соли байналмилалии ҳифзи пиряхҳо якҷоя бо Созмони ҷаҳонии обуҳавошиносӣ ва ЮНЕСКО оғоз гардид
ПАХТАКОРӢ. Чаро дар Тоҷикистон ҳамасола дар ин бахши муҳими соҳаи кишоварзӣ нишондиҳандаҳо паст мешаванд?
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Гузариш ба иқтисодиёти рақамӣ барои беҳтарсозии вазъи иқтисодии Тоҷикистон қадами муҳим аст
Дар Душанбе доир ба рушди инноватсияи рақамӣ ҳамоиш доир гардид
