НИШАСТИ МАТБУОТӢ. Маҷмӯи маҳсулоти дохилии ноҳияи Сангвор дар шаш моҳ ба 71 миллион сомонӣ баробар гардид
САНГВОР, 28.07.2022 /АМИТ «Ховар»/. Маҷмӯи маҳсулоти дохилии ноҳияи Сангвор дар шаш моҳи соли равон ба 71 миллион сомонӣ баробар гардид. Аз ин 8,6 миллион сомонӣ ба соҳаи кишоварзӣ, 19,5 миллион сомонӣ ба соҳаи савдо, 4 миллион сомонӣ ба соҳаи хизматрасонии пулакӣ ва 39 миллион сомонӣ ба соҳаи саноат рост меояд. Дар ин бора Раиси ноҳияи Сангвор Маҳмадшоҳ Давлатзода зимни нишасти матбуотӣ маълумот дод.
Қисми даромади буҷети ноҳия дар шашмоҳаи аввали соли равон ба ҷойи 4 миллиону 752 ҳазор сомонии дар нақша пешбинишуда дар ҳаҷми 6 миллиону 763 ҳазору 920 сомонӣ иҷро гардид, ки ба 142 дарсади нақша баробар мебошад.
Зимни нишасти матбуотӣ зикр шуд, ки барои дар сатҳи баланд пешвоз гирифтани ҷашни 35-солагии Истиқлолияти давлатӣ дар ноҳияи Сангвор бунёди 49 иншооти соҳаҳои гуногуни хоҷагии халқ ба нақша гирифта шудааст. Ҳамчунин соли 2022 барои сохтмони шуъбаи бемориҳои сироятии ноҳия, навсозии боғи фарҳангию бинои маъмурии Ҷамоати деҳоти Тавилдара ва стансияи бодуҳавосанҷӣ аз ҳисоби буҷети маҳаллӣ 640 ҳазор сомонӣ ҷудо гардида, ҳоло корҳои сохтмонӣ дар иншооти мазкур идома доранд.
Дар ноҳияи Сангвор 70 фоизи аҳолии қобилияти меҳнат дар соҳаи кишоварзӣ кор мекунад. Аз ин рӯ кишоварзони ноҳия дар ҳамаи шаклҳои хоҷагидорӣ 1540 гектар ғалладона, 1136 гектар картошка, 214 гектар сабзавот ва 50 гектар зағир кишт намудаанд. Кишоварзони ноҳия имрӯзҳо ба ҷамъоварии ғалла ва меваю асал машғуланд.
Субҳониддини МАҲМУД,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар Суғд беш аз 12 ҳазор иншоот ба истифода дода шуд
35-СОЛАГИИ ИСТИҚЛОЛИ ДАВЛАТӢ. 4 километр роҳи деҳаи Меҳргони Шаҳринав мумфарш карда шуд
35-СОЛАГИИ ИСТИҚЛОЛИ ДАВЛАТӢ. Бунёдкорӣ дар ҷамоатҳои деҳоти Роҳатию Гулистони ноҳияи Рӯдакӣ вусъат меёбад
35-СОЛАГИИ ИСТИҚЛОЛИ ДАВЛАТӢ. Дар Ҳисор якчанд иншооти ҷашнӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода Маркази саломатӣ ва толори варзишӣ ба истифода дода шуданд
Дар Суғд ҳаҷми маблағгузорӣ аз ҷониби аҳолӣ беш аз 3 маротиба зиёд шудааст
Ба муносибати 35-солагии Истиқлоли давлатӣ ва Рӯзи Парчами Тоҷикистон дар Рашт панҷ иншоот ба истифода дода шуд
Бахшида ба Рӯзи Парчами давлатӣ дар ноҳияи Рӯдакӣ ҳамоиши тантанавӣ доир шуд
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
