Нусратулло Давлатзода: «Нақшаи андозҳо ва дигар пардохтҳои ҳатмӣ 101,8 фоиз таъмин гардид»
ДУШАНБЕ, 14.07.2022 /АМИТ «Ховар»/. Дар шашмоҳаи якуми соли 2022 нақшаи андозҳо ва дигар пардохтҳои ҳатмӣ, ки ҷамъоварии онҳо ба зиммаи мақомоти андоз вогузошта шудааст, ба андозаи 101,8 фоиз таъмин гардида, ба ҷойи 7 млрд 149,4 млн сомонии пешбинишуд ба буҷети давлатӣ 7 млрд 278,5 млн сомонӣ ворид карда шуд, ки нисбат ба нишондиҳандаҳои пешбинишуда 129,1 млн сомонӣ зиёд мебошад. Дар ин бора имрӯз зимни нишасти матбуотӣ Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода иттилоъ дод.
Мавсуф ҷорӣ гардидани имтиёзҳо ва кам кардани меъёри андозҳоро яке омилҳои таъмин гардидани нақшаи андоз ва дигар пардохтҳои ҳатмӣ дар нимсолаи авали соли равон ном бурд. Бино ба гуфти ӯ, ҳадафи Ҳукумати мамлакат аз бештар намудани имтиёзҳо, ин аст, ки андозсупорандагон даромади худро шафофтар давра ба давра нишон диҳанд ва аз «иқтисоди пинҳонӣ» берун бароем.
«Инчунин тадбирҳои андешидашуда ҷиҳати беҳтар намудани маъмурикунонии андоз, рақамикунонии соҳа, тақвият бахшидан ба корҳои фаҳмондадиҳӣ ва ҳамкории судманд бо мақомоти иҷроияи ҳокимияти давлатӣ имкон доданд, ки сарфи назар аз пасттар гардидани меъёри навъҳои алоҳидаи андоз натиҷаҳои назаррас ба даст оварда шавад», — илова кард ӯ.
Нусратулло Давлатзода дар идома изҳор дошт, ки мақомоти барои гузоштани заминаи боэътимод ба рақамикунонии иқтисоди миллӣ ва ҳукумати электронӣ пайваста чораҷӯӣ менамоянд. Дар айни замон барои шаҳрвандон ва андозсупорандагон беш аз 70 намуди хизматрасониҳои давлатӣ дар шакли электронӣ ба роҳ монда шудаанд.
Дар шашмоҳаи якуми соли равон зиёда аз 9,6 ҳазор ҳолати ҳуқуқвайронкуниҳо аз тарафи шахсони ҳуқуқӣ ва воқеӣ ошкор ва шахсони дохлдор ба ҷавобгарии маъмурӣ кашида шуда,нисбат ба онҳо ба маблағт 101,7 млн сомонӣ ҷаримаҳои маъмурӣ тадбиқ гардиданд.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
