Тоҷикистон ба тавсеаи робитаҳои байнипарлумонӣ бо Арабистони Саудӣ таваҷҷуҳи хоса зоҳир менамояд
ДУШАНБЕ, 04.07.2022 /АМИТ «Ховар»/. Ҷониби Тоҷикистон ба рушду густариши бештари муносибатҳо бо Арабистони Саудӣ, аз ҷумла таҳкиму тавсеаи робитаҳои байнипарлумонӣ таваҷҷуҳи хоса зоҳир менамояд. Ин нукта имрӯз зимни мулоқоти Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода бо Сафири Арабистони Саудӣ дар Тоҷикистон Валид ибни Абдурраҳмон ар-Решайдон зикр гардид. Дар ин бора ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.
Дар мулоқот тазаккур дода шуд, ки муносибатҳо ва ҳамкорӣ миёни ду кишвар дар асоси ҳамдигарфаҳмӣ ва бо дарназардошти манфиатҳои тарафайн густариш ёфта истодаанд.
Маҳмадтоир Зокирзода зикр кард, ки соли равон Тоҷикистон ва Арабистони Саудӣ 30-солагии барқарор намудани муносибатҳои дипломатиро ҷашн хоҳанд гирифт.
«Механизми муҳими ҳамкорӣ байни кишварҳо Комиссияи муштараки байниҳукуматӣ мебошад, ки нишасти навбатии он соли равон дар Душанбе дар назар аст ва умед дорем, ки ҷаласаи мазкур ба нафъи ҳарду давлат хизмат менамояд. Ҳамзамон соли 2022 баргузории рӯзҳои фарҳанги Тоҷикистон дар Арабистони Саудӣ дар назар аст», — иброз намуд Раиси Маҷлиси намояндагон.
Ёдовар мешавем, ки имрӯз дар Маҷлиси намояндагон Гурӯҳи дӯстӣ ва ҳамкорӣ бо Маҷлиси Шӯрои Шоҳигарии Арабистони Саудӣ босамар фаъолият дорад.
Акс: МН МО ҶТ
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Бахшида ба Рӯзи забони давлатӣ дар Маҷлиси намояндагон ҳамоиши идона доир гардид
Вакилони Маҷлиси намояндагон дар ҷаласаи Ассамблеяи парлумонии САҲА иштирок доранд
Раиси Маҷлиси миллии Маҷлиси Олӣ, Раиси шаҳри Душанбе муҳтарам Рустами Эмомалӣ дар саҳни бинои нави Парлумони Тоҷикистон дарахт шинонданд
Ҷаласаи якуми иҷлосияи шашуми Маҷлиси намояндагони Маҷлиси Олии Ҷумҳурии Тоҷикистон, даъвати шашум доир шуд
Раиси Маҷлиси намояндагони Маҷлиси Олии Ҷумҳурии Тоҷикистон бо Вазири ҳаҷ ва умраи Арабистони Саудӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Маҷлиси Олӣ мақоми олии намояндагӣ ва қонунгузор мебошад
Ҳамкорӣ байни Маҷлиси намояндагон ва барномаҳои Созмони Милали Муттаҳид дар Тоҷикистон тақвият меёбад
Мавсума Муинӣ бо ҳайати намояндагони Дафтари минтақавии Комиссари Олии СММ оид ба ҳуқуқи инсон дар Осиёи Марказӣ мулоқот намуд
Дар Узбекистон вохӯрии роҳбарони дастгоҳи парлумонҳои давлатҳои Осиёи Марказӣ доир гардид
Робитаҳои байнипарлумонии Тоҷикистон ва Узбекистон тақвият меёбанд
Маҳмадтоир Зокирзода: «Тақвияти ҳамгироии минтақавӣ дар Осиёи Марказӣ зарурати воқеӣ мебошад»
