ҲУШДОРИ АГЕНТИИ ОБУҲАВОШИНОСӢ: Тоҷикистонро ҳарорати паст ва ҳавои хокбориш интизор аст
ДУШАНБЕ, 28.07.2022 /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо истинод ба маълумоти Агентии обуҳавошиносии мамлакат иттилоъ медиҳад, ки аз 29 июл то 1 август бо сабаби канда шудани ҳаракати мавҷҳои гарм аз тарафи ҷануб дар мамлакат пастшавии ҳарорат дар назар буда, хокбориш ба амал меояд.
Дар баъзе ноҳияҳо шамол бо сурътаи 15-20 метр дар як сония мевазад. Дар ноҳияҳои ҷанубӣ ва тобеи марказ чангу ғубор ба амал меояд.
Бино ба иттилои манбаъ, имрӯз бар асари ҳавои гарм дар ҳавзаи дарёҳои Панҷ, Вахш ва Зарафшон хатари болоравии сатҳи об дар назар аст.
28-30 июл обуҳавошиносон омадани селҳоро бар асари об шудани пиряхҳо ва барфҳо дар баландкӯҳҳо ва ноҳияҳои кӯҳӣ, ба истиснои қисмати шарқии ВМКБ пешгӯӣ мекунанд.
Дар иртибот ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон шаҳрвандонро огоҳ менамояд, ки дар ин рӯзҳо ҳарчи бештар эҳтиёткор бошанд.
Вобаста ба рӯзҳои хокбориш табибон тавсия медиҳанд, ки мубталоёни бемориҳои дилу рагҳо ва нафароне, ки гирифтори бемории дамкӯтоҳӣ ҳастанд, дар чунин ҳолатҳо эҳтиёткор бошанд. Инчунин дар ин гуна вазъи ҳаво табибон ба нафароне, ки гирифтори бемориҳои роҳҳои нафас, диққи нафас ва ҳассосият ҳастанд, тавсия медиҳанд, ки барои ҳифзи саломатии худ аз ниқоб истифода баранд. Зеро ин гуна ҳолат метавонад боиси авҷ гирифтани бемориҳо гардад.
АКС: АМИТ «Ховар»
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
