Дар Бадахшон бинои нави бахши Муассисаи давлатии «Ташаккул ва рушди соҳибкории Тоҷикистон» ифтитоҳ ёфт
ДУШАНБЕ, 18.08.2022 /АМИТ «Ховар»/. Дар доираи Форуми байналмилалии соҳибкорию сармоягузории «Помиринвест -2022» дар Бадахшон бинои бахши Муассисаи давлатии «Ташаккул ва рушди соҳибкории Тоҷикистон»- и Кумитаи давлатии сармоягузорӣ ва идораи амволи давлатӣ ба истифода дода шуд, иттилоъ доданд ба АМИТ «Ховар» дар Кумитаи давлатии сармоягузорӣ ва идораи амволи давлатӣ.
Дар маросими ифтитоҳи бинои нав Раиси Кумитаи давлатии сармоягузорӣ ва идораи амволи давлатӣ Саъдӣ Қодирзода, Раиси Вилояти Мухтори Кӯҳистони Бадахшон Алишер Мирзонабот, роҳбари намояндагии Барномаи Рушди Созмони Милали Муттаҳид дар Ҷумҳурии Тоҷикистон Лени Монтиел ва дигар намояндагони шарикони рушд иштирок намуданд.
Зикр шуд, ки дар партави сиёсати созандаи Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади рушди соҳибкорӣ ва ҷалби ҳарчи бештари сармояи дохиливу хориҷӣ ислоҳот гузаронида шуд. Дар ин раванд рушди институтсионалии соҳа низ ташаккул ёфта, бо мақсади дастгирии методӣ ва машваратии соҳибкорон, аз ҷумла соҳибкорони ҷавон Муассисаи давлатии «Ташаккул ва рушди соҳибкории Тоҷикистон» дар назди Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъсис дода шуд.
Дар маросими ифтитоҳи бинои нави Муассисаи давлатии «Ташаккул ва рушди соҳибкории Тоҷикистон»- и Кумитаи давлатии сармоягузорӣ ва идораи амволи давлатӣ дар Бадахшон Директори Муассисаи давлатии «Ташаккул ва рушди соҳибкории Тоҷикистон» Дилшод Ҷуразода гуфт, ки «бинои бахши муассиса дар шаҳри Хоруғ бо таҷҳизоти замонавӣ муҷаҳҳаз гардонида шудааст. Дар он барои соҳибкорон имконияти нав фароҳам оварда шудааст, то бо соҳибкорони муваффақи ватаниву хориҷӣ мубодилаи афкор ва таҷриба намоянд».
Муассисаи давлатии «Ташаккул ва рушди соҳибкории Тоҷикистон» имконияти мусоидро барои рушди соҳибкории хурду миёна дар кишвар фароҳам оварда, дар баланд бардоштани маърифати соҳибкорӣ ва малакаҳои тиҷоратии ҷавонон саҳми назаррас мегузорад.
АКС: Кумитаи давлатии сармоягузорӣ ва идораи амволи давлатии ҶТ
Фурудгоҳи байналмилалии Душанбе дар шаш моҳи соли равон ба зиёда аз 1,1 милллион мусофир хизмат расонидааст
Дар Тоҷикистон дар доираи эълони Солҳои рушди саноат 251 корхонаи нав ба истифода дода шуд
Сомон Эйр дар соли равон тавассути хатсайрҳои мунтазами байналмилалӣ ва чартерӣ қариб ним миллион мусофир интиқол додааст
Дар ноҳияи Рӯдакӣ зеристгоҳи барқии «Дӯстӣ» ба истифода дода шуд
Байни Агентии «Тоҷикстандарт» ва Маркази илмӣ -тадқиқотию ташхисӣ ва метрологияи музофоти Шансии Чин Ёдошти тафоҳуми ҳамкорӣ дар самти метрология ба имзо расид
Соли равон дар Суғд ба маблағи беш аз 5,3 миллиард сомонӣ маҳсулоти кишоварзӣ истеҳсол шудааст
Ба Конфронси сеюми байналмилалии сатҳи баланд оид ба об дар Душанбе аз ҷониби коршиносони байналмилалӣ баҳои баланд дода шуд
Вазири энергетика ва захираҳои об: «Воридоти маҳсулоти нафтӣ ба ҷумҳурӣ дар соли равон афзудааст»
Намояндагони Бонки ҷаҳонӣ ба Конфронси байналмилалӣ оид ба ҳифзи пиряхҳо дар Душанбе даъват гардиданд
«ПОМИРИНВЕСТ – 2024». Дар давоми ду соли баргузории ин Форуми байналмилалӣ ба иқтисоди ВМКБ беш аз 2 миллиард сомонӣ сармоя ворид гардид
Имрӯз дар шаҳри Хоруғ Форуми байналмилалии «Помиринвест -2024» оғоз гардид
Дар Душанбе вазъи кунунӣ ва дурнамои рушди бозори коғазҳои қиматнок баррасӣ шуд
