Дар барномаи таҳлилии «Сарват» — и Радиои «Ховар» аҳамияти сохтмони НБО-и «Роғун» баррасӣ мешавад
ДУШАНБЕ, 08.08.2022 /АМИТ «Ховар»/. Коршиносони соҳа муайян намудаанд, ки афзоиши босуръати талабот ба неруи барқ сабаби он мегардад, ки дар миёнаи асри ХХI тавозуни энергетикии ҷаҳонӣ 2,5 баробар афзоиш ёфта, дар охири аср 4 маротиба зиёд шавад. Афзалияти гидроэнергетикии Тоҷикистон имкон медиҳад, ки он мушкилоти аксари кишварҳои минтақаро дар истифодаи неруи барқ аз байн барад. Бояд гуфт, ки НБО «Роғун» ба силсилаи иншооти энергетикии Вахш дохил буда, яке аз бузургтарин иншооти гидроэнергетикии ҷаҳон ба ҳисоб меравад.
Иқтидори лоиҳавии неругоҳ ба 3600 МВт баробар буда, аз шаш агрегати 600 МВт иборат аст ва баландии сарбанди он 335 метр мебошад. Истифодаи обанбори НБО-и «Роғун» барои эҳтиёҷи энергетикӣ ва обёрии заминҳои лалмӣ пешбинӣ мегардад.
Сохтмони НБО ба марҳилаҳо тақсим мешавад. Иқтидори агрегати якум дар марҳилаи аввал бо истеҳсоли 100 МВт барқ дар фасли зимистон ва 200 МВт барқ дар фасли тобистон пайваст мебошад.
Сиёсатмадори маъруфи рус, нависанда, публисист ва журналист Александр Проханов аз майдони сохтмони НБО «Роғун» дидан карда, пас аз бозгашт ба Москва дар рӯзномаи «Завтра» таҳти унвони «Парвози Роғун» («Рогунский взлет») мақола нашр намудааст. Публитсисти машҳур Александр Проханов дар мақолаи худ НБО-и “Роғун”-ро самари ниятҳои бузург ва қувваи бузурги ҳаётбахш номида, аҳамияти онро махсусан таъкид намудааст. Аз ҷумла, ӯ навиштааст, ки НБО «Роғун» касро бо зебоӣ ва мураккабиаш тасхир мекунад. Ҳазорҳо коргарон бо меҳнати шабонарӯзӣ ин зебоӣ ва тавоноиро бунёд мекунанд. Ин неругоҳ на танҳо зебоии табиати дигаргуншуда ва рамзи техносфераи офарандашаванда аст, балки рамзи ғалаба бар қувваи харобиовари ҷанг, хусумат, шуури бехирадонаи кӯршуда мебошад».
Тафсилоти бештар вобаста ба аҳамияти НБО-и «Роғун» дар таъмини барқ ва танзими захираҳои об дар минтақа имрӯз соатҳои 10:30, 14:30 ва 20:30 дар барномаи таҳлилии «Сарват»–и радиои «Ховар» бо иштироки коршиноси масоили экологӣ Ҳасан Асоев дар таҳияи муҳаррири барнома Манижа Баҳромзода ва коргардон Наврӯзи Раҳматулло пешниҳоди шунавандагон мегардад.
АКС аз бойгонӣ
Масъалаи зиёд намудани сармоягузорӣ ба татбиқи Неругоҳи барқи обии «Роғун» баррасӣ гардид
Ҳайати Шурои директорони иҷроияи Бонки ҷаҳонӣ бо ҷараёни корҳо дар Неругоҳи барқи обии «Роғун» шинос шуд
Дар шаҳри Абузабӣ масъалаи ҷалби маблағҳо барои лоиҳаи сохтмони НБО-и «Роғун» баррасӣ гардид
Ҳайати энергетикҳои Қирғизистон бо иншооти азим- Неругоҳи барқи обии «Роғун» шинос гардид
Дар Неругоҳи барқи обии «Роғун» фаъолияти занон назаррас аст
Ҳайати Қирғизистон бо ҷараёни корҳо дар Неругоҳи барқи обии «Роғун» шинос гардид
КОРҲОИ ҶУЗЪИ ЧОРУМ ДАР НБО-И «РОҒУН». Маблағҳои қарзии Фонди саудии рушд барои анҷоми он нигаронида шудааст
«РОҒУН» — ТАРҲИ НОДИРИ ГИДРОЭНЕРГЕТИКӢ. Он бозгӯи сиёсати муваффақонаи Ҳукумати Тоҷикистон ҷиҳати истифодаи самараноки захираҳои обӣ аст
Дар Душанбе Созишномаи қарзӣ байни Ҳукумати Тоҷикистон ва Фонди Саудии Рушд оид ба лоиҳаи НБО-и «Роғун» ба имзо расонида шуд
Султон Абдулраҳмон ал-Маршад: «Фонди Саудии Рушд Созишномаро оид ба ҷудо намудани 100 миллион доллари амрикоӣ барои сохтмони НБО-и «Роғун» ба имзо мерасонад»
«РОҒУН»- ИНШООТИ АЗИМИ АСР. Гурӯҳи омӯзгорону донишҷӯёни Донишгоҳи славянии Русия ва Тоҷикистон бо ин неругоҳ шинос шуд
«ШАҲОМАТИ РОҒУН». Маҷмуаи мақолаҳои кормандону омӯзгорони Донишгоҳи миллии Тоҷикистон доир ба ин иншооти аср ба табъ расид
