Имрӯз дар шаҳри Нур-Султони Қазоқистон Чемпионати Осиё оид ба гӯштини дзюдо оғоз мешавад

Август 4, 2022 08:51

ДУШАНБЕ, 04.08.2022 /АМИТ «Ховар»/. Тавре қаблан хабар додем, имрӯз, 4 август, дар пойтахти Қазоқистон-шаҳри Нур-Султон Чемпионати Осиё оид ба гӯштини дзюдо оғоз шуда, то 7 август идома меёбад, хабар доданд дар Федератсияи дзюдои Тоҷикистон ба шореҳи варзиши АМИТ «Ховар».

Тоҷикистонро дар ин мусобиқаи сатҳи баланд 9 нафар паҳлавонон намояндагӣ менамоянд. Рақобатҳо аз рӯи 14 вазн (7 вазн миёни мардон ва 7 вазн миёни бонувон) доир мегарданд. Паҳлавони шинохтаи тоҷик Сомон Маҳмадбеков, ки қаблан дар вазни то 73кг ҳунармоӣ мекард, дараҷаи вазни худро иваз кард. Аз ин пас ӯ дар вазни то 81кг баромад мекунад.

Ҳайати дастаи мунтахаби Тоҷикистон оид ба гӯштини дзюдо барои Чемпионати Осиё чунин аст: Муҳаммад Маҳмадизода дар вазни то 60кг, Шаҳбоз Саидабуроров дар вазни то 66кг, Беҳрӯз Хоҷазода дар вазни то 73кг, Сомон Маҳмадбеков ҳамроҳ бо Шодмон Ризоев- ҳарду дар вазни то 81кг, Комроншоҳ Устопириён бо Ҷаҳонгир Маҷидов- ҳарду дар вазни то 90кг, Абубакри Акобир дар вазни то 100кг ва ниҳоят паҳавони маъруф Темур Раҳимов дар вазни +100кг.

Баъди хотима ёфтани рақобатҳои инфиродӣ дар рӯзи охири чемпионат рақобатҳои даставӣ сурат мегиранд. Вале дастаи мунтахаби Тоҷикистон бинобар сабаби нопурра будани ҳайат дар он иштирок намекунад. Бо иштирок дар ин мусобиқаи бонуфузи қоравӣ варзишгарон имкон доранд хазинаи имтиёзҳои худро дар раддабандии Федератсияи байналмилалии дзюдо (IJF) пурра намоянд, инчунин барои дарёфти роҳхат ба Бозиҳои олимпии соли 2024 дар Париж имтиёзҳои муҳим ба даст биёранд. Барои мақоми аввал — 700 имтиёз, дуюм — 490 имтиёз ва сеюм — 350 имтиёз дода мешавад.

Ба иттилои Федератсияи байналмилалии дзюдо (IJF), дар Чемпионати мазкур 182 варзишгар аз 19 кишвари қораи Осиё ширкат меварзанд.

 

Барномаи баргузорӣ:
Рӯзи 1 | 4 август | Панҷшанбе
Оғоз:  09:00
Марҳилаи ниҳоӣ: 16:00
Занон: -48 kg, -52 kg, -57 kg;
Мардон: -60 kg, -66 kg

Рӯзи 2 | 5     август | Ҷумъа
Оғоз:  09:00
Марҳилаи ниҳоӣ: 16:00
Занон: -63 kg, -70 kg;
Мардон: -73 kg, -81 kg

Рӯзи 3 | 6 август | Шанбе
Оғоз:  09:00
Марҳилаи ниҳоӣ: 16:00
Занон: -78 kg, +78 kg;
Мардон: -90 kg, -100 kg, +100 kg

Рӯзи 4 | 7август | Якшанбе
Рақобатҳои даставӣ
Оғоз:  09:00
Марҳилаи ниҳоӣ: 15:00

Ҳамаи рақобатҳо бо вақти Душанбе сурат мегиранд.

АКС аз манобеи боз

Август 4, 2022 08:51

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон дар даври дуюми марҳилаи интихобӣ бо тими Филиппин мусовӣ намуд
Дастаи мунтахаби ҷавонони Тоҷикистон (U-18) чемпионати CAFA-2025-ро бо пирӯзӣ бар тими Афғонистон оғоз кард
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад