«ИТТИҲОД-2022». Имрӯз маросими пӯшидашавии машқҳои муштарак миёни Узбекистон ва Тоҷикистон доир мегардад
ДУШАНБЕ, 10.08.2022 /АМИТ «Ховар»/. Имрӯз Вазири мудофиаи Ҷумҳурии Тоҷикистон Шералӣ Мирзо дар маросими пӯшидашавии машқҳои муштараки Узбекистон ва Тоҷикистон «Иттиҳод-2022», ки дар Тирмиз аз 3 август оғоз ёфта буданд, иштирок менамояд. Дар ин бора ба мухбири АМИТ «Ховар» сухангӯи Вазорати мудофиаи Ҷумҳурии Тоҷикистон Фаридун Маҳмадализода хабар дод.
Сафари Вазири мудофиаи Тоҷикистон Шералӣ Мирзо дар Ҷумҳурии Узбекистон аз 9 то 10 август идома меёбад.
Ба иттилои сомонаи «Овози Самарқанд», дар қисми низомии гарнизони Тирмиз афсарони тоҷику узбек машқҳои муштаракро амалӣ намуданд. Ҷанговарони тоҷику узбек дар машқҳои амалӣ, аз қабили ҷанг дар масофаи наздик, эвакуатсия кардани ярадорон, зада гардонидани ҳуҷуми душмани тахминӣ иштирок карданд.
Ҳамчунин ба иттилои «Овози Самарқанд», мулоқоти Вазири мудофиаи Ҷумҳурии Тоҷикистон генерал-полковник Шералӣ Мирзо ва Вазири мудофиаи Ҷумҳурии Узбекистон генерал-лейтенант Баҳодир Қурбонов сурат гирифт.
Зимни мулоқот ҷонибҳо дар мавриди омӯзиши кадрҳои низомии тоҷик дар донишгоҳҳои Узбекистон қарордод ба имзо расониданд.
Дар ҷараёни мулоқот зикр шуд, ки имрӯз масъалаҳои ҳамкорӣ миёни ду кишвар на танҳо дар бахшҳои сиёсӣ, иқтисодӣ, фарҳангӣ, балки дар заминаи дифоъ ва амният низ ба сатҳи баланд баромадаанд.
Дар доираи сафар ҳайати Ҷумҳурии Тоҷикистон аз Маркази миллии назорати дифои Узбекистон дидан намуд.
Шаҳлои САДРИДДИН,
АМИТ «Ховар»
АКС: ovozi.uz/АМИТ «Ховар»
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
