НИШАСТИ МАТБУОТӢ. То соли 2030 шумораи хизматчиёни давлатӣ аз ҳисоби занон ва духтарони болаёқат ба 30 фоиз расонида мешавад
ДУШАНБЕ, 02.08.2022 /АМИТ «Ховар»/. Ҷиҳати иҷрои дастуру супоришҳои Президенти Ҷумҳурии Тоҷикистон, ки дар Паёми навбатиашон 21 декабри соли 2021 зикр намуданд ва бо мақсади амалӣ намудани ҳадафҳои Стратегияи миллии рушд дар Ҷумҳурии Тоҷикистон то соли 2030 шумораи хизматчиёни давлатӣ аз ҳисоби занон ва духтарони болаёқат ба 30 фоиз ва кадрҳои роҳбарикунанда ба 25 фоиз расонида мешавад. Дар ин бора имрӯз зимни нишасти матбуотӣ Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода иттилоъ дод.
Мавсуф гуфт, ки барои амалӣ гардидани ҳадафи зикргардида Кумита лоиҳаи қарори Ҳукумати Чумҳурии Тоҷикистон «Дар бораи Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030»-ро таҳия намуд, ки бо Қарори Ҳукумати мамлакат аз 27 апрели соли 2022 тасдиқ гардидааст.
Гуфта шуд, ки ҷиҳати амалишавии барномаи соҳавӣ дар сатҳи маҳал, пешгирии раванди ҳама гуна омилҳои номатлуб, аз ҷумла бекоршавии ақди никоҳ, муҳоҷирати занон, амалҳои зӯроварӣ дар оила, худкушию худсӯзӣ, ҷиноятсодиркунӣ, хурофотпарастӣ ва тақлид ба фарҳанги бегона дар шаҳру ноҳияҳои ВМКБ, вилояти Хатлон, шаҳру ноҳияҳои тобеи ҷумҳурӣ ҷаласаҳои сайёр доир гардиданд ва баргузории онҳо дар дигар минтақаҳои мамлакат дар назар аст.
Ҳилолбӣ Қурбонзода дар ҷараёни нишасти матбуотӣ иброз дошт, ки «ҳолатҳои бекоршавии ақди никоҳ дар ҷумҳурӣ сол то сол зиёд мегарданд. Омилҳои ба он мусоидаткунанда асосан дар муҳоҷирати меҳнатӣ будани ҳамсарон, бемории яке аз ҳамсарон, бефарзандӣ, зӯроварии хонаводагӣ, мувофиқ наомадани муносибати аъзои хонавода, дахолати шахсони сеюм, гирифтани шаҳрвандии Федератсияи Русия ва ғайра мебошанд».
Зикр гардид, ки тибқи маълумоти омории Раёсати сабти асноди ҳолати шаҳрвандии Вазорати адлияи Ҷумҳурии Тоҷикистон, дар шашмоҳаи аввали соли равон бақайдгирии ақди никоҳ 30 ҳазору 266 ҳолат ва бақайдгирии давлатии бекор кардани ақди никоҳ 7 ҳазору 265 ҳолатро ташкил додааст аст, ки нисбат ба ҳамин давраи соли гузашта (6 476) 789 ҳолат зиёд мебошад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе баргузор гардид
НИШАСТИ МАТБУОТӢ. Маркази тадқиқоти стратегӣ бо 26 маркази тадқиқотии хориҷӣ созишномаҳо ба имзо расонид
НИШАСТИ МАТБУОТӢ. Зиёда аз 57 миллион сомонӣ маблағ ба манфиати модару кӯдак ситонида шудааст
Дар Тоҷикистон содиршавии ҷиноят нисбат ба кӯдакон 30 фоиз зиёд шудааст
НИШАСТИ МАТБУОТӢ. Ваколатдор оид ба ҳуқуқи инсон дар Тоҷикистон бо мақомоти ваколатдори Қатар ва Булғористон Ёддошти тафоҳум ба имзо мерасонад
Дар истироҳатгоҳи «Ширкент» 1783 нафар кӯдакону наврасон ба истироҳати бофароғат фаро гирифта шуданд
Маблағи грантҳои президентӣ вобаста ба арзиши лоиҳаҳои пешниҳодшуда ҷудо мегардад
Ҷарроҳони чинӣ наврасонеро, ки бемории нуқсони модарзодии дил доранд, ройгон ташхис менамоянд
НИШАСТИ МАТБУОТӢ. Дар Тоҷикистон ҳолатҳои бекоршавии ақди никоҳ кам шудаанд
Ҳайати ҷавонони Тоҷикистон дар ҷаласаи Шурои ҷавонони Созмони ҳамкории Шанхай иштирок намуд
НИШАСТИ МАТБУОТӢ. Корхонаи «Тоҷиксуғурта» ба 588 оилаи аз офати табиӣ зарардидаи минтақаи Рашт кумаки молиявӣ расонид
Беш аз 5 ҳазор нафар дар муассисаҳои таҳсилоти ибтидоии касбӣ машғулияти касбомӯзиро хатм намуданд
