САНОТИКУНОНИИ БОСУРЪАТ-ҲАДАФИ ЧОРУМИ МИЛЛӢ. Дар ҶДММ «Хубҷамъинвест»-и Суғд хатти нави истеҳсолӣ фаъол мегардад

Август 24, 2022 11:38

ДУШАНБЕ, 24.08.2022 /АМИТ «Ховар»/. Дар Ҷамъияти дорои масъулияти маҳдуди «Хубҷамъинвест», воқеъ дар ноҳияи Бобоҷон Ғафуров, ки ба коркарди ғалла ва истеҳсоли орд машғул аст, хатти нави истеҳсолӣ фаъол мегардад. Дар ин бора зимни боздиди Раиси вилояти Суғд Раҷаббой Аҳмадзода аз корхонаи мазкур иттилоъ дода шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

«Хубҷамъинвест» яке аз корхонаҳои калони истеҳсолкунандаи орд буда, дар айни замон дар анборҳои он миқдори зарурии ғалла захира шудааст. Роҳбарияти корхона тасмим гирифтааст, ки дар амалишавии ҳадафи чоруми миллӣ- санотикунонии босуръати кишвар саҳм гузошта, хатҳои нави истеҳсолӣ таъсис ва истеҳсоли маҳсулотро зиёд намояд.

Нақши корхона дар таъмини аҳолӣ бо орд назаррас буда, ҳамарӯза садҳо тонна орди истеҳсолшуда ба минтақаҳои гуногун, аз ҷумла шаҳри Душанбе, вилояти Хатлон, ВМКБ фиристода мешаванд.

Мушоҳидаҳо нишон медиҳанд, ки айни замон дар мамлакат захираи кофии орду ғалла мавҷуд буда, фаъолияти чунин корхонаҳои саноатӣ имкон медиҳад бозори дохилӣ бо маҳсулоти ватанӣ таъмин карда шавад.

Раиси вилоят барои васлу насби хатти нави истеҳсолӣ, зиёд намудани ҳаҷми истеҳсоли маҳсулот ва таъсиси ҷойҳои нави корӣ ба роҳбарияти корхона тавсияҳо дод.

АКС: Хадамоти матбуоти Раиси вилояти Суғд

Август 24, 2022 11:38

Хабарҳои дигари ин бахш

Баҳодур Шерализода дар Самарқанд доир ба омодагӣ ба Конференсияи байналмилалии сатҳи баланд оид ба ҳифзи пиряхҳо маълумот дод
Дар шаҳри Душанбе иҷрои «Барномаи фишанги ҳамоҳангсозии сиёсат» баррасӣ гардид
Ҳаҷми гардиши савдои хориҷии Тоҷикистон ва Узбекистон соли 2024 1,74 маротиба зиёд гардид
Барномаи савдои электронӣ дар Тоҷикистон ба баланд бардоштани малакаи рақамию молиявии аҳолӣ ва соҳибкорон равона шудааст
Оё дар Тоҷикистон низоми кишти пунбадона тағйир меёбад? Шарҳи коршиносон дар ин мавзуъ
Дар шаҳри Гулистон Бизнес-форуми Тоҷикистон ва Тотористон баргузор гардид
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Ҳайати Тотористон бо фаъолияти як қатор корхонаҳои саноатии вилояти Суғд шинос гардид
Дар ноҳияи Кӯшониён дар 320 гектар гармхона бунёд карда шудааст
Гармхонаҳои ширкати «Моғиён- агро»-и шаҳри Панҷакент бозорро бо сабзавоти тоза таъмин менамоянд
Хатмкунандагони Барномаи гузариши иқлимӣ соҳиби шаҳодатнома шуданд
Дар шаҳри Турсунзода бинои нави маъмурии Истгоҳи роҳи оҳани «Регар» ба истифода дода шуд