«ТОҶИКИСТОН-КИШВАРИ ДАРЁҲОИ ТИЛЛОӢ». Дар шаҳри Кӯлоб намоиши сайёр ифтитоҳ гардид
ДУШАНБЕ, 02.08.2022 /АМИТ «Ховар»/. 1 август дар Осорхонаи таърихӣ-кишваршиносии 2700-солагии Кӯлоб намоиши сайёри «Тоҷикистон–кишвари дарёҳои тиллоӣ» ифтитоҳ гардид, иттилоъ дод ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев.
Зимни ифтитоҳи намоиш директори Осорхонаи миллии Тоҷикистон Зафаршо Иброҳимзода, Раиси шаҳри Кӯлоб Бахтиёр Назарзода, директори Муҷтамаи ҷумҳуриявии осорхонаҳои Кӯлоб Ҳотам Асозода ва намояндагони касбу кори гуногун иштирок намуданд.
Директори Осорхонаи миллӣ Зафаршо Иброҳимзода зикр намуд, ки «ин намоиш дар баланд бардоштани ватандӯстиву ватанпарастӣ ва худогоҳиву хештаншиносии мардум, эҳёи арзишҳои миллӣ ва ҳифзу тарғиби ёдгориҳои таърихиву фарҳангӣ нақши муассир дорад».
Дар намоиш зиёда аз 100 адад ашёи таърихии марбут ба миллати тоҷик аз Осорхонаи миллии Тоҷикистон ба тамошо гузошта шудаанд, ки онҳо инъикосгари таърихи куҳани халқи тоҷик буда, фарогирандаи ҳазораи 4 то мелод ва давра ба давра то асри 10 мелодӣ мебошанд.
Раиси шаҳри Кӯлоб Бахтиёр Назарзода иброз намуд, ки «Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар намоиши «Тоҷикистон-кишвари дарёҳои тиллоӣ» дар шаҳри Париж бо ифтихору шодмонӣ изҳор намуда буданд, ки «бузургии силсилачорабиниҳои фарҳангии дирӯзу имрӯз, аз ҷумла намоишгоҳи «Тоҷикистон-кишвари дарёҳои тиллоӣ» дар маркази фарҳангии аврупоӣ — шаҳри Париж барои мо рӯйдоди муҳим ва хотирмон мебошад». Пешвои миллат муҳтарам Эмомалӣ Раҳмон аз рӯзҳои аввали ба сари давлат омаданашон то ба имрӯз ба масъалаи донишу фарҳанг диққати хосса зоҳир менамоянд».
Ёдовар мешавем, ки Намоишгоҳи нигораҳои таърихии Тоҷикистон зери унвони «Тоҷикистон–кишвари дарёҳои тиллоӣ» дар Осорхонаи ҳунарҳои осиёии «Гиме»-и шаҳри Париж 13 октябри соли 2021 бо иштироки бевоситаи Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Фаронса муҳтарам Эммануэл Макрон ба шарафи 30-солагии Истиқлолияти давлатии Ҷумҳурии Тоҷикистон ва дар остонаи сиюмин солгарди муносибатҳои дипломатии Тоҷикистон ва Фаронса ифтитоҳ гардида, муддати 3 моҳ идома ёфт.
Намоиши сайёри «Тоҷикистон–кишвари дарёҳои тиллоӣ» дар Осорхонаи таърихӣ-кишваршиносии 2700–солагии Кӯлоб то 5 август идома ёфта, сокинону меҳмонони шаҳр бо осори гаронарзиши ба мерос гузоштаи ниёгон ва нақши миллати куҳанбунёду фарҳангсолори тоҷик дар рушди тамаддуни инсоният шинос мегарданд.
АКС: Осорхонаи миллии Тоҷикистон
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
Байни нашрияи «Народная газета» ва Медиакорпоратсияи Чин Ёддошти ҳамкорӣ ба имзо расид
Дар Санкт-Петербург Ассамблеяи XIX генералии Созмони агентиҳои иттилоотии кишварҳои Осиё ва Уқёнуси Ором баргузор шуд
