ҲАМЛАИ ТАҶОВУЗКОРОНАИ ҚИРҒИЗИСТОН. Найранг ва иғвоангезии Садир Жапаров дар иҷлоси 77-уми Маҷмаи Умумии СММ
ДУШАНБЕ, 22.09.2022 /АМИТ «Ховар»/. Гулӯлаборон кардани сокинони осоишта, иншооти иҷтимоӣ, ҳалокати одамони бегуноҳ муносибатҳои дӯстона ва ҳамсоягии Тоҷикистону Қирғизистонро коста гардонид. Суханронии Президенти Ҷумҳурии Қирғизистон Садир Жапаров дар иҷлосияи 77-уми Маҷмаи Умумии Созмони Милали Муттаҳид 20 сентябри имсол низ тасдиқи таҷовуз нисбат ба кишвари мост. Доктори илмҳои сиёсӣ, муовини Директори Маркази тадқиқоти стратегии назди Президенти Ҷумҳурии Тоҷикистон Парвиз Муҳаммадзода пас аз мутолиаи суханронии президенти Қирғизистон дар минбари СММ хулосаҳои худро дар ин бора баён дошт, ки онро дар бахши русии сомонаи АМИТ «Ховар» низ метавонед мутолиа намоед.
Пеш аз ҳама, қолаби суханронӣ ва шакли гуфтораш гувоҳӣ медиҳанд, ки Жапаров ба низоми кунунии идоракунии давлат ва иштироки худ дар арсаи байналхалқӣ сарфаҳм нарафтааст. Иқтибосҳои васеъ аз асноди бунёдиву оинномавии СММ, инчунин дуздии ошкоро аз матни баромадҳои шахсиятҳои маъруфи сиёсӣ аз ҷониби ӯ аз сатҳи тахассусии дастаи ӯ дар омода кардани суханрониҳои расмӣ ва дар маҷмӯъ, норасоии донишу малака вобаста ба воқеияти сиёсати байналмилалӣ шаҳодат медиҳанд.
Ин тааҷҷубовар нест, зеро тамоми ҷомеаи ҷаҳонӣ хуб медонад, ки ӯ чӣ гуна аз олами ҷиноӣ ба низоми сиёсии Қирғизистон кӯч баст. Садир Жапаров бо амри тақдир тасодуфан сарвари давлат шуд. Гурӯҳи ӯ, ки таҷрибаи ғании ҷиноӣ дорад, аз ҷониби худаш ҷамъоварӣ шуда, ҳоло дар сатҳи тамоми давлат фаъолияти ҷиноии худро идома медиҳад. Аммо ин барояшон басандагӣ намекунад ва дар муносибатҳои байнидавлатӣ амалҳои ғайриқонунӣ ва таҳдидӣ оғоз карда, ба минбари СММ баромаданд. Баъди ба сари қудрат омадани онҳо дар сарҳад амалиёти таҷовузкорона ва набардҳои шадид оғоз ёфтанд.
Ба таваҷҷуҳи С.Жапаров ва дастаи ӯ мерасонем, ки «Pacta sunt servanda» (аз лотинии «Тавофуқот бояд ҳатман риоя шаванд») мафҳуми ҳуқуқӣ ба забони лотинӣ буда, дар ҳуқуқи байналмилалӣ ва шаҳрвандӣ васеъ истифода шуда, зарбулмасали лотинӣ нест. Новобаста аз он ки С.Жапаров ва дастаи ӯ моҳияти ин истилоҳро чӣ гуна дарк мекунанд, мо зикр менамоем, ки Ҷумҳурии Тоҷикистон воқеан чунин мешуморад, ки созишномаҳои қаблан имзошудаи тарафҳо бояд қатъиян риоя шаванд.
Умедворем, ки ҷониби Қирғизистон дар оянда бидуни вайрон кардани созишномаҳои қаблан имзошуда аз ҳама гуна иғво, амалҳои хушунатомези ғайриқонунӣ даст кашида, ба муколамаи воқеии сиёсӣ, ки ба ҳалли ҳарчи зудтари масъалаи сарҳад ба нафъи ҳарду халқ нигаронида шудааст, оғоз мекунад.
АКС: АМИТ «Ховар»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
Пешвои миллат дар таҳкими мақоми Зан-Модар дар ҷомеи Тоҷикистон нақши намоён доранд
Модар олиҳаи накугавҳар ва азизтарин шахсияти башар аст
СОЛИ БАЙНАЛМИЛАЛИИ ҲИФЗИ ПИРЯХҲО. Тоҷикистон дар сатҳи ҷаҳон чун ташаббускори муҳими ҳалли мушкилоти глобалӣ шинохта шудааст
