Дар Душанбе ҷаласаи Комиссияи байниидоравии танзими равандҳои муҳоҷират доир гардид
ДУШАНБЕ, 30.09.2022 /АМИТ «Ховар»/. Масъалаҳои муҳоҷирати занон ва ҷавонон, бокортаъминкунии муташаккилонаи муҳоҷирони меҳнатӣ ва тадбирҳо ҷиҳати ҳифзи ҳуқуқу манфиатҳои онҳо дар хориҷи кишвар имрӯз зимни баргузории ҷаласаи Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон дар Вазорати меҳнат, муҳоҷират ва шуғли аҳолии мамлакат мавриди баррасӣ қарор гирифтанд.
Тавре ба АМИТ «Ховар» дар маркази матбуоти Вазорати меҳнат, муҳоҷират ва шуғли аҳолии мамлакат иттилоъ доданд, ҷаласаи мазкур таҳти раёсати муовини Сарвазири Ҷумҳурии Тоҷикистон Матлубахон Сатториён сурат гирифт.
Ҳамчунин дар кори ҷаласа масъалаи омори баҳисобгирии муҳоҷирати меҳнатии шаҳрвандони Ҷумҳурии Тоҷикистон ба хориҷа ва бозгашт аз он ва иҷрои нақшаи чорабиниҳо оид ба татбиқи Консепсияи ҷалби ҳамватанони бурунмарзӣ ҳамчун шарикони рушди кишвар барои солҳои 2021-2025 мавриди муҳокима қарор дода шуд.
Дар ҷараёни ҷаласа гузоришҳои муовини Вазири меҳнат, муҳоҷират ва шуғли аҳолии Ҷумҳурии Тоҷикистон, Хадамоти муҳоҷират ва Муассисаи давлатии «Агентии бокортаъминкунӣ дар хориҷа, намояндагони вазоратҳои корҳои хориҷӣ, дохилӣ, маориф ва илм, Бонки миллии Тоҷикистон,» пешниҳод шуданд.
Дар фарҷом доир ба тақвияти танзими равандҳои муҳоҷират санади дахлдор қабул гардид.
АКС: Вазорати меҳнат, муҳоҷират ва шуғли аҳолии ҶТ
Оид ба барномаи ислоҳоти маблағгузории тандурустӣ вохӯрӣ баргузор шуд
Доир ба нақши мероси тамаддунҳои бостонӣ дар ташаккули давлатҳои муосири миллӣ конференсияи илмӣ баргузор шуд
Дар Душанбе намоиши ҷойҳои кории холӣ ва имкониятҳои нави шуғл баргузор гардид
Дар Деҳлии Нав Саммити дуюми глобалии Созмони ҷаҳонии тандурустӣ идома дорад
Фаъолияти мақомоти Ваколатдор оид ба ҳуқуқи инсон дар партави Паёми Президенти Тоҷикистон ба Маҷлиси Олӣ густариш меёбад
Фарҳод Раҳимӣ: «Паёми Президенти Тоҷикистон заминаи стратегии рушди иқтисодӣ ва худшиносии миллӣ аст»
Ҳар сол дар соҳаҳои гуногуни иқтисоди Тоҷикистон беш аз 200 ҳазор ҷойи нави кор таъсис дода мешавад
Дар Тоҷикистон Фонди кафолати қарзҳо таъсис дода мешавад
Соли 2026 «Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ» эълон гардид
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
Аз 1 сентябри соли 2026 маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
Таҷрибаи ислоҳоти ҳуқуқии Тоҷикистон дар Форуми байналмилалӣ муаррифӣ карда шуд
