Имсол ба соҳаи маорифи Вилояти Мухтори Кӯҳистони Бадахшон аз ҳисоби буҷет 160,6 млн сомонӣ ҷудо гардид
ДУШАНБЕ, 01.09.2022 /АМИТ «Ховар»/. Дар Вилояти Мухтори Кӯҳистони Бадахшон соли 2022 ба соҳаи маориф аз ҳисоби маблағҳои буҷет 160, 6 млн сомонӣ ҷудо гардид. Маблағи мазкур ба таҳкими заминаи моддӣ – техникӣ ва таълимии муассисаҳои таълимии вилоят равона мегардад, иттилоъ доданд ба АМИТ «Ховар» дар Мақомоти иҷроияи ҳокимияти давлатии ВМКБ.
Имрӯз бахшида ба Рӯзи дониш ва Дарси сулҳ дар муассисаҳои таълимии вилоят ҷамъомадҳои тантанавӣ доир гардиданд. Ҳамчунин дар ин рӯз бо иштироки Раиси ВМКБ Алишер Мирзонабот ва кормандони соҳаи маориф дар Донишгоҳи давлатии Хоруғ тамошои суханронии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба Рӯзи дониш ва ифтитоҳи бинои асосии Донишгоҳи давлатии тиббии Тоҷикистон, ки мустақиман тавассути ҳамаи шабакаҳои телевизионӣ ва радиоӣ пахш гардид, сурат гирифт.
Зикр шуд, ки дар вилоят аз ҳисоби сарчашмаҳои гуногуни маблағгузорӣ сохтмони кӯдакистони рақами 2 бо арзиши 5,689 млн сомонӣ ба маблағи 9 млн сомонӣ, толори варзишии назди муассисаи таълимии рақами 28 – и ноҳияи Шуғнон бо арзиши нақшавии 1,3 млн сомонӣ, бинои муассисаи таҳсилоти миёнаи умумии рақами 21 – и ноҳияи Ишкошим бо арзиши 24 млн сомонӣ, бинои маъмурии шуъбаи маорифи ноҳияи Ванҷ бо маблағи 4,8 млн сомонӣ ва сохтмони кӯдакистони рақами 2 дар ноҳияи Рӯшон ба маблағи 3,5 млн сомонӣ бомаром идома дорад.
Дар асоси супориши Президенти Ҷумҳурии Тоҷикистон муҳтарам Эмомалӣ Раҳмон дар 4 соли охир дар шаҳру ноҳияҳои вилоят 54 муассисаи таҳсилоти умумӣ навсозӣ ва аз таъмири асосӣ бароварда мешаванд.
Беҳтар гардидани шароити иҷтимоии кормандони соҳаи маориф, ба таълиму тарбияи махсус фаро гирифтани хонандагони болаёқат, рушди муассисаҳои томактабӣ, мактабҳои намуди нав, аз ҷумла муассисаҳои таълимии хусусӣ ба сифати таълиму тарбия такони ҷиддӣ бахшид. Давоми се соли охир дар даври ҷумҳуриявии олимпиадаи фаннӣ аз фанҳои равияи табиӣ – риёзӣ ва гуманитарӣ хонандагони вилоят 8 медали тилло, 31 медали нуқра ва 86 медали биринҷӣ ба даст оварданд, ки дар маҷмӯъ 125 медалро ташкил медиҳад.
Дар таърихи соҳаи маорифи вилоят бори аввал чунин натиҷаи баланд ба даст омадааст.
АКС аз бойгонӣ ва МИҲД-и ВМКБ
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
