Коршинос: Дар СҲШ рӯзномаи иқтисодӣ дар мадди аввал қарор мегирад
ДУШАНБЕ, 12.09.2022 /АМИТ «Ховар»/. Агар қаблан авлавияти асосии СҲШ таъмини субот дар минтақа буд, ҳоло таъмини рушд дар доираи минтақаи Авруосиё дар мадди аввал хоҳад буд, чунин меҳисобад директори Маркази тадқиқоти маҷмӯии аврупоӣ ва байналмиллалии Донишгоҳи миллии тадқиқотии «Мактаби олии иқтисод» Василий Кашин (ДАР АКС). Дар ин бора АМИТ «Ховар» бо истинод ба АИ «Синхуа» хабар медиҳад.
«Дар марҳилаи нав дар мадди аввал на ҷузъи ҳарбию сиёсии СҲШ, ки қаблан бартарӣ дошт ва зиддияти зиёдеро, аз ҷумла миёни Ҳиндустон ва Чин, Ҳиндустон ва Покистон ба вуҷуд меовард, қарор мегирад. Дар маркази таваҷҷуҳ рӯзномаи иқтисодӣ ва бисёр чизҳое, ки моро муттаҳид мекунанд, хоҳанд буд. Аз ҷумла, имкони ба роҳ мондани савдои озод новобаста аз фармоиш ё фишор аз берун. Ин, албатта, манфиати умумии мост», —гуфт Василий Кашин зимни шарҳ додани нишасти дарпешистодаи СҲШ-ро дар Самарқанд.
«Қаблан дар доираи СҲШ як афзалияти умумӣ вуҷуд дошт — таъмини субот, ҳатто агар он дар кишварҳои гуногун ба таври дигар фаҳмида мешуд. Ҳоло ҳамон гуна авлавият- таъмини рушд дар дохили минтақаи Авруосиёст»,- гуфт ӯ дар мусоҳиба бо хабарнигори Синхуа.
Русия ба фаъол шудани СҲШ, густариши он ва баланд бардоштани нақши Созмон дар иқтисодиёт манфиатдор аст,- чунин мешуморад Василий Кашин. Робитаҳои Русия бо Аврупо, ки шарики асосии иқтисодии он буд, комилан аз байн рафтаанд. Ҳоло имконияти пайдо кардани бозори муқоисашаванда дар Шарқ ба миён омадааст. Ҳамкорӣ чандин сол боз пай дар пай вусъат меёбад. Ҳоло бо сабабҳои сиёсӣ ин равиш бо суръати тез ҷараён мегирад. «Эҳтимол, шояд аллакай солҳои 2023-2024 гардиши мол миёни Русия ва Чин аз гардиши мол бо Аврупо бештар шавад. Ин, албатта, тағйироти калон, тағйири таносуби таърихист, ки дар оянда, агар он сурат гирад, чеҳраи Русияро дигар хоҳад кард», — таъкид кард Василий Кашин.
АКС: valdaiclub.com
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
