Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
ДУШАНБЕ, 03.10.2022 /АМИТ «Ховар»/. Дар Бадахшон таҳти раёсати Раиси вилоят Алишер Мирзонабот иҷлосияи дувоздаҳуми Маҷлиси вакилони халқ, даъвати шашум баргузор гардид, ки дар он «Барномаи мусоидат ба шуғли аҳолии Вилояти Мухтори Кӯҳистони Бадахшон барои солҳои 2023-2025» ва «Дар бораи тасдиқи нақшаи чорабиниҳои мақомоти иҷроияи ҳокимияти давлатии ВМКБ оид ба омодагӣ ва таҷлили 35-солагии Истиқлолияти давлатии Ҷумҳурии Тоҷикистон» баррасӣ шуданд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии вилоят.
Доир ба баррасии Барномаи мусоидат ба шуғли аҳолии вилоят муовини сардори Агентии меҳнат ва шуғли аҳолӣ Марзия Некпаева зикр кард, ки барнома тадбирҳоро оид ба таъсиси ҷойҳои кории нав, миёнаравӣ дар бозори меҳнат, рушди касбии захираҳои меҳнатӣ, дастгирии иҷтимоии муҳоҷирони меҳнатии ба Ватан баргашта, мусоидат ба шуғли занон ва ҷавонон, рушди соҳибкории инфиродӣ ва таъмини кафолатҳои давлатии иҷтимоӣ ҳангоми бекорӣ дар бар мегирад.
«Ҳоло дар қайди шуъба ва бахшҳои агентии меҳнат ва шуғли аҳолӣ 5539 нафар шаҳрвандони бекор расман ба қайд гирифта шудаанд»,-гуфт Марзия Некпаева.
Раиси ВМКБ Алишер Мирзонабот вобаста ба таъсиси ҷойҳои нави корӣ ва коҳиши сатҳи бекорӣ, ба касбомӯзӣ ҷалб намудани шаҳрвандони бекор, таъмини ҷойҳои корӣ дар неругоҳҳои барқи обии «Роғун», «Себзор» ва сохтмони роҳи Дарвоз – Ванҷ ба раисони шаҳру ноҳияҳои вилоят дастуру супоришҳои мушаххас дода, аз шахсони мутасаддӣ ҷиҳати иҷрои сифатноки бандҳои барномаи мазкур масъулияти баланд талаб кард.
Сипас Раиси вилоят ба раисони шаҳру ноҳияҳо ҷиҳати сари вақт иҷро намудани дастуру супоришҳои Пешвои миллат муҳтарам Эмомалӣ Раҳмон бобати дар сатҳи баланд пешвоз гирифтани ҷашни 35 – солагии Истиқлолияти давлатӣ ва ба нақшаи чорабиниҳои ҷашнӣ ворид намудани сохтмони корхонаҳои саноатӣ супориши иловагӣ дод.
Акс: МИҲД ВМКБ
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
