Дар Литсейи хизмат ва туризми шаҳри Душанбе мутахассисони пазандаю хизматрасон омода карда мешаванд
ДУШАНБЕ, 25.10.2022 /АМИТ «Ховар»/. Дар Литсейи хизмат ва туризми шаҳри Душанбе маркази омӯзишии таҷрибавии пазандагию хизматрасонӣ ифтитоҳ гардид, иттилоъ доданд ба АМИТ «Ховар» дар Кумитаи рушди сайёҳии назди Хукумати Ҷумҳурии Тоҷикистон.
Марказ аз синфхонаи дарсҳои амалӣ, синфхонаи дарсҳои назариявӣ ва утоқи нигоҳдории ашё иборат аст, ки бо таҷҳизоти муосир ҷиҳозонида шудаанд. Дар баробари ин омӯзгорону касбомӯзон имкон доранд дар маркази мазкур дар шароити муосири таълимӣ аз рӯи ихтисоси пазандагӣ дарси маҳорат гузаранд.
Маркази омӯзишии таҷрибавии пазандагию хизматрасонӣ бо мақсади иҷрои дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва иқдоми Кумитаи рушди сайёҳии назди Ҳукумати Ҷумҳурии Тоҷикистон ҳамчун сарпараст дар доираи ҳамкорӣ аз ҷониби Агентии Туркия оид ба ҳамкорӣ ва ҳамоҳангсозӣ (ТИКА) ифтитоҳ гардид.
Тарбияи мутахассисони ботаҷрибаю касбӣ ва пешниҳоди хизматрасонии сатҳи байналмилалӣ яке аз ҳадафҳои Стратегияи рушди сайёҳӣ дар Ҷумҳурии Тоҷикистон барои давраи то соли 2030 ҷиҳати таъмини рушди устувори соҳаи сайёҳии кишвар ба ҳисоб меравад.
Мавриди зикр аст, ки Литсейи хизмат ва туризми шаҳри Душанбе аз соли 2008 дар соҳаи сайёҳӣ фаъолият дошта, имрӯзҳо аз рӯи ихтисосҳои «Туроператор», «Турагент», «Роҳбалад», «Ошпаз-қаннод», «Ошпази таомҳои хориҷӣ», «Системаи компютерӣ ва интернет технология», «Ҳисобдор бо донистани компютер», «Фурӯшанда-ташкилотчӣ» ва «Назоратчӣ-фурӯшанда» мутахассисонро омода месозад. Дар Литсей хонандагон дар заминаи синфи 11 як сол ва дар заминаи синфи 9 ду 2 сол таҳсил менамоянд.
АКС: Кумитаи рушди сайёҳии назди Ҳукумати ҶТ
Дастаи Тоҷикистон дар Олимпиадаи байналмилалии математикии Ангкор дар Камбоҷа 51 медал ба даст овард
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
