ФУТБОЛ. Бозиҳои даври 18-уми марҳилаи дуюми Чемпионати Тоҷикистон миёни дастаҳои Лигаи олӣ анҷом ёфтанд

Октябрь 25, 2022 09:24

ДУШАНБЕ, 25.10.2022 /АМИТ «Ховар»/. Бо баргузории бозиҳои даври 18-ум марҳилаи дуюми Чемпионати Тоҷикистон оид ба футбол миёни дастаҳои Лигаи олӣ ба анҷом расид, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар даври 18-ум аз 5 бозӣ 4 бозӣ мусовӣ шуд. Бозиҳо миёни дастаҳои футболи «Равшан»-и ноҳияи Зафаробод бо «Регар-ТадАЗ»-и шаҳри Турсунзода бо ҳисоби 0:0, «Хуҷанд»-и шаҳри Хуҷанд бо «Эсхата»-и шаҳри Хуҷанд, «Равшан»-и шаҳри Кӯлоб бо «Хатлон»-и шаҳри Бохтар, КМВА –и шаҳри Душанбе бо «Истиқлол»-и шаҳри Душанбе бо ҳисоби якхелаи 1:1 анҷом ёфтанд. Дар як бозӣ дастаи футболи «Истаравшан»-и шаҳри Истаравшан бар дастаи «Файзканд»-и ноҳияи Восеъ бо ҳисоби 1:0 пирӯз шуд.

Хотиррасон мешавем, ки марҳилаи сеюми Чемпионати Тоҷикистон оид ба футбол миёни дастаҳои Лигаи олӣ имсол дар қолати нав баргузор мешавад. Дар ин марҳила дастаҳо ба ду гурӯҳ тақсим мешаванд. Холҳои дар марҳилаҳои якуму дуюм гирифта ҳифз карда мешаванд. Аз рӯи натиҷаи ду марҳилаи гузашта панҷ дастаи беҳтарин дар гурӯҳи «А» дар як давр бозӣ карда, дар ҷадвали мусобиқа ҷойҳои аз 1 то 5-умро ишғол мекунанд. Инҳо дастаҳои футболи «Истиқлол»-и шаҳри Душанбе, «Равшан»-и шаҳри Кӯлоб, «Хатлон»-и шаҳри Бохтар, «Хуҷанд»-и шаҳри Хуҷанд ва КМВА-и шаҳри Душанбе мебошанд.

Панҷ дастаи боқимонда – Истаравшан»-и шаҳри Истаравшан, «Файзканд»-и ноҳияи Восеъ, «Эсхата»-и шаҳри Хуҷанд, «Равшан»-и ноҳияи Зафаробод ва «Регар-ТадАЗ»-и шаҳри Турсунзода дар гурӯҳи «В» дар як давр бозӣ карда, ҷойҳои аз 6 то 10-умро ишғол намуда, барои нигоҳ доштани мавқеъ дар Лигаи олӣ талош мекунанд. Ду дастае, ки дар ду ҷои охири ҷадвал мавқеъ мегиранд, дар охири мавсим ба Лигаи якум мегузаранд.

Дар маҷмӯъ, ҳар даста дар Чемпионати Тоҷикистон-2022 22 бозӣ анҷом медиҳад.

 Рӯйхати беҳтарин нишонзанҳо: Манучеҳр Ҷалилов, ( «Истиқлол»)- – 12 гол, Шервонӣ Мабатшоев «Истиқлол»)- Дилшод Бозоров («Эсхата»)  бо  10-голӣ,  Ҷаҳонгир Эргашев («Хуҷанд») – 7 гол, Фатҳулло Фатҳуллоев («Регар-ТадАЗ»), Абдухалил Боронов («Равшан» Кулоб), Бахтиёр Зарипов («Равшан» Зафарабад), Санҷар Рихсибоев («Эсхата»), Амирҷон Сафаров («Истаравшан»)  – 5- голӣ ба нишон расониданд.

                                               АКС: Федератсияи футболи Тоҷикистон

 

Октябрь 25, 2022 09:24

Хабарҳои дигари ин бахш

НИШАСТИ МАТБУОТӢ. Донишҷӯёни Донишкадаи тарбияи ҷисмонӣ дар мусобиқаҳои байналмилалӣ соҳиби 26 медал шуданд
Таеквондочиёни тоҷик дар Чемпионати Осиё дар Малайзия ду медали биринҷӣ ба даст оварданд
Паҳлавонони тоҷик «Ulaanbaatar Grand Slam-2025»-ро бо як медали нуқра ҷамбаст намуданд
Марҳилаи якуми даврҳои омӯзишӣ оид ба барномаи литсензияи «B» идома дорад
Имрӯз мусобиқаи байналмилалии «Ulaanbaatar Grand Slam-2025» оид ба гӯштини ҷудо оғоз меёбад
Дар Чемпионати ҷаҳон оид ба варзиши намудҳои обӣ 2 варзишгари Тоҷикистон иштирок менамоянд
Бозии интихобии Ҷоми Осиё-2027 байни Тоҷикистон ва Малдив дар Хуҷанд баргузор мешавад
Тоҷикистон бозиҳои марҳилаи интихобии Ҷоми Осиё-2026 байни духтарони то 17-соларо мизбонӣ менамояд
Пагоҳ дар Душанбе маросими қуръакашии Ҷоми Тоҷикистон-2025 баргузор мегардад
Намояндаи Конфедератсияи футболи Осиё варзишгоҳи Турсунзодаро тафтиш намуд
Дар шаҳри Душанбе мусобиқаи «Шоми бокс» баргузор мешавад
Дар Вазорати мудофиа дастаҳои занонаи футбол ва мардонаи футзал таъсис дода мешаванд