Имрӯз дар Санкт-Петербург вохӯрии ғайрирасмии сарони давлатҳои аъзои Иттиҳоди Давлатҳои Мустақил баргузор мешавад
ДУШАНБЕ, 07.10.2022 /АМИТ «Ховар»/. Президенти Россия Владимир Путин рӯзи ҷумъа, дар 70-солагии зодрӯзи худ дар зодгоҳаш Санкт-Петербург кор мекунад ва дар ин ҷо бо сарони давлатҳои иштирокчии ИДМ мулоқот менамояд, хабар дод ба рӯзноманигорон рӯзи панҷшанбе, 6 октябр котиби матбуотии Сарвари давлати Россия Дмитрий Песков.
«Имрӯз президент дар Санкт-Петербург кор мекунад. Зангҳову гуфтугӯҳои байналмилалӣ [дар нақша аст] доир мегарданд, ки мо шуморо аз ҷараёни он огоҳ хоҳем кард. Ҳамчунин дар нимаи рӯз вохӯрии ғайрирасмии президент бо сарони давлатҳои иштирокчии ИДМ дар назар аст»,-гуфт намояндаи Кремл.
Чорабинӣ дар Қасри Константиновский баргузор мешавад ва ба гуфтаи Песков, он қадами муҳим дар омодагӣ ба нишасти ИДМ хоҳад буд, ки ҳафтаи оянда дар Остона баргузор мешавад.
Зикр гардид, ки ҳамин гуна чорабинӣ соли 2021 дар Петербург гузаронида шуда буд. Он замон Путин ҳамтоёнашро ба пойтахти шимолии Россия қабл аз Соли нав- 28 декабр даъват намуда буд.
Аз котиби матбуотӣ суол карда шуд, ки оё мулоқоти фардо «фазои идона» дорад? Оё дар протокол, масалан, табрикоти раҳбарони хориҷӣ дарҷ шудаанд? «Чун қоида протокол инро ҳеҷ гоҳ пешбинӣ намекунад ва аксар вақт туҳфаҳо низ тавассути протоколҳо расонида мешаванд. Аммо, албатта, ба ҳар ҳол, ҳама якдигарро на як сол ё ҳатто на як даҳсола мешиносанд, аз ин рӯ эҳтимол онҳо ӯро бо зодрӯзаш сирф ба таври инсонӣ табрик хоҳанд кард»,- шарҳ дод намояндаи Кремл.
Дар бораи он ки оё Путин ҷашни мавлуди худро бо аҳли оилааш таҷлил хоҳад кард ва оё дар ин рӯз бо дӯстон мулоқот мекунад ё не, Песков чизе нагуфт. «Пагоҳ президент серкор хоҳад буд. Ба ҳар сурат роҳбарон ва намояндагони давлатҳои зиёде меҳмон мешаванд. Ва он чӣ ки ба масъалаи хонаводагӣ дахл дорад — алоҳида аст. Шумо медонед, ки мо одатан дар ин бора суҳбат карданро дӯст намедорем»,-зикр намуд ӯ.
Тавре қаблан АМИТ «Ховар» хабар дода буд, имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар вохӯрии ғайрирасмии сарони давлатҳои иштирокчии Иттиҳоди Давлатҳои Мустақил ба шаҳри Санкт-Петербурги Федератсияи Россия сафар карданд.
ДАР АКС: ш. Санкт-Петербург, қасри Константиновский. Акс аз бойгонӣ
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
Меҳрномаи як ҳамзабон ба Пешвои тоҷикони ҷаҳон Эмомалӣ Раҳмон
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
