Раёсати стандартизатсия, метрология, сертификатсия ва нозироти савдо дар шаҳри Кӯлоб соҳиби бинои муосир гардид
ДУШАНБЕ, 27.10.2022 /АМИТ «Ховар»/. Бинои нави Раёсати стандартизатсия, метрология, сертификатсия ва нозироти савдо дар шаҳри Кӯлоб мавриди баҳрабардорӣ қарор дода шуд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии вилояти Хатлон.
Бинои нав дар маҳаллаи Корвонгузари шаҳри Кӯлоб бо таври замонавӣ бунëд гардида, он аз 2 ошëна бо таҳхона иборат мебошад. Дар таҳхона ва ошёнаи якуми бино бахшҳои алоҳидаи ташхиси маҳсулоти ғизоӣ, озмоишгоҳҳои метрологии санҷиши воситаҳои ченак бо таҷҳизоти муосир ва шароити муосири корӣ, инчунин, китобхона ва дар ошёнаи дуюми бино ҳуҷраҳои корӣ, толори маҷлисгоҳ ва қабулгоҳи роҳбарияти раёсат ҷойгир карда шудаанд.
Дар гулгашти назди бино гулҳои ороишӣ ва дарахтони ҳамешасабз шинонида шуда, саҳни бино чароғон карда шудааст. Дар шафати бинои асосии Раёсати Тоҷикстандарт дар шаҳри Кӯлоб бунёди дигар иншооти дигари ëрирасон дар назар аст.
Дар маросими ба истифода додани бинои мазкур Раиси вилояти Хатлон Қурбон Ҳакимзода, намояндаи Ҳукумати Ҷумҳурии Тоҷикистон дар шаҳри Кӯлоб — Азим Иброҳим, Раиси шаҳри Кӯлоб Бахтиёр Назарзода, роҳбарияти Агентии Тоҷикстандарт ва кормандони ин ниҳод иштирок намуданд.
Раиси вилояти Хатлон ва намояндаи Ҳукумати Ҷумҳурии Тоҷикистон ба иҷрои корҳои сохтмонӣ ва фаъолияти озмоишгоҳҳои навтаъсис баҳои баланд дода, истифодаи самараноки имконоти мавҷуда ва таъмини бехатарии ҳаёт ва саломатии аҳолиро дар ҳамаи самтҳо, муҳим шумориданд.
АКС: Мақомоти иҷроияи ҳокимияти давлатии вилояти Хатлон
Дар Агентии авиатсияи гражданӣ гардиши ҳуҷҷатҳои электронӣ пурра ба роҳ монда шуд
ОМОДАГӢ БА СОЛИ НАВИ ТАҲСИЛ. Дар муассисаҳои таълимии Роштқалъа таъмири синфхонаҳо идома дорад
Ифтитоҳи парвозҳои мустақим дар самти Душанбе – Сиан ва Душанбе – Гуанҷоу баррасӣ гардид
«Стратегияи ҷалби сармоя ба Ҷумҳурии Тоҷикистон барои давраи то соли 2040» дар Шурои ҳамоҳангсози рушд муаррифӣ гардид
ОМОДАГӢ БА СОЛИ НАВИ ТАҲСИЛ. Дар Исфара иншооти соҳаи маориф таъмир ва навсозӣ мегарданд
Пешвои миллат Эмомалӣ Раҳмон дар ноҳияи Исмоили Сомонии шаҳри Душанбе Муассисаи давлатии томактабии рақами 59-ро ифтитоҳ намуданд
Тоҷикистон ва Чин ҳамкориро дар соҳаи инноватсия ва технологияҳои рақамӣ тақвият медиҳанд
Сарвари давлат Эмомалӣ Раҳмон дар ноҳияи Синои шаҳри Душанбе биноҳои нави Донишкадаи исломии Тоҷикистон ба номи Имоми Аъзам — Абӯҳанифа Нӯъмон ибни Собитро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Фирдавсӣ бинои нави Беморхонаи клиникии шаҳрии бемориҳои заҳролудшавӣ ва осебҳои сӯхтаро ифтитоҳ намуданд
Пешвои миллат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии №4-ро ба истифода доданд
Ҳамкории Тоҷикистон бо Барномаи Рушди СММ дар доираи лоиҳаҳои муштарак муҳокима гардид
Дар Истаравшан оид ба истифодаи сарфакоронаи неруи барқ ҷаласа доир гардид
