Сарони Тоҷикистон ва Қазоқистон рӯзномаи мулоқоти қарибулвуқӯи сатҳи олӣ дар Остонаро баррасӣ карданд
ДУШАНБЕ, 06.10.2022 /АМИТ «Ховар»/. Рӯзи чоршанбе, 5 октябр Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Қазоқистон муҳтарам Қосим-Жомарт Токаев суҳбати телефонӣ баргузор намуданд, иттилоъ дод дирӯз АМИТ «Ховар» бо истинод ба Хадамоти матбуоти Президенти Тоҷикистон .
Дар оғози суҳбат Президенти Қазоқистон Қосим-Жомарт Токаев Сарвари давлати моро бо ҷашни 70-солагиашон самимона табрик карда, ба Пешвои миллат сиҳатмандии комил, рифоҳ ва дар фаъолияташон комёбиҳои бузург, ба мардуми Тоҷикистон сулҳу амонӣ ва шукуфоӣ орзу намуд.
Сарони давлатҳо раванди рушди афзояндаи ҳамкории Тоҷикистон ва Қазоқистонро зикр карда, атрофи ҳолати имрӯзаву дурнамои муносибатҳои дӯстӣ ва шарикии стратегии Тоҷикистон ва Қазоқистон мубодилаи афкор анҷом доданд.
Президентҳои Тоҷикистон ва Қазоқистон зимни суҳбат ҳамчунин нисбат ба масоили рӯзномаи минтақавӣ ва байналмилалии мавриди эҳтимоми тарафайн ибрози назар намуданд
«Диққати махсус ба рӯзномаи мулоқоти қарибулвуқӯи сатҳи олӣ дар Остона дода шуд»,-омадааст дар иттилоияи хадамоти матбуоти Президенти ҶТ.
Тавре қаблан АМИТ «Ховар» хабар дода буд, 13 октябр дар пойтахти Қазоқистон – Остона ҷаласаи VI Машварати ҳамкорӣ ва тадбирҳои боварӣ дар Осиё (МҲТБО) ва 14 октябр – ҷаласаи Шӯрои Сарони давлатҳои ИДМ, 14 октябр – нишасти «Осиёи Марказӣ – Россия» баргузор мегардад.
Ёдовар мешавем, ки ба ҳолати имрӯза 27 кишвари ҷаҳон (аз ҷумла Тоҷикистон, Россия, Узбекистон, Чин, Ҳиндустон, Туркия, Қатар, АМА ва ғайра) ва 9 кишвари нозир (бо шумули Беларус, ИМА, Ҷопон, Туркманистон, Украина ва дигар давлатҳо) узви МҲТБО маҳсуб мешаванд.
АКС: АМИТ «Ховар»
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
