«ТОҶИКИСТОН – КИШВАРИ ДАРЁҲОИ ТИЛЛОӢ». Ин намоишро беш аз 70 ҳазор нафар тамошо намудаанд
ДУШАНБЕ, 14.10.2022 /АМИТ «Ховар»/. Намоиши «Тоҷикистон — кишвари дарёҳои тиллоӣ»-ро дар Осорхонаи миллии Тоҷикистон 64 ҳазор нафар ва шакли сайёри онро дар шаҳру ноҳияҳои Бохтар, Кӯлоб, Данғара, Панҷакент ва Хуҷанд 6 ҳазор нафар тамошо намудаанд. Чунин зикр шуд дар ҳамоиши илмӣ—маърифатӣ оид ба натиҷагирии намоиши«Тоҷикистон – кишвари дарёҳои тиллоӣ», ки 13 октябр дар Муассисаи давлатии «Осорхонаи миллии Тоҷикистон» баргузор гардид.
Тавре сардори шуъбаи экскурсионӣ ва оммавии Осорхонаи миллии Тоҷикистон Фариун Кенҷаев ба АМИТ «Ховар» иттилоъ дод, дар ҳамоиш намояндагони Дастгоҳи иҷроияи Президенти ҷумҳурӣ, Вазорати фарҳанг, Иниститути таърих, бостоншиносӣ ва мардумшиносии ба номи А. Дониш, Комиссияи миллии Ҷумҳурии Тоҷикистон оид ба корҳои ЮНЕСКО, Сафорати Ҷумҳурии Фаронса дар Ҷумҳурии Тоҷикистон, донишҷӯёни
Донишкадаи давлатии фарҳанг ва санъати ба номи Мирзо Турсунзода, Донишгоҳи славянии Россияву Тоҷикистон ва Донишгоҳи давлатии омӯзгории Тоҷикистон ба номи Садриддин Айнӣ иштирок намуданд.
Директори Муассисаи давлатии «Осорхонаи миллӣ» Зафаршо Иброҳимзода зикр намуд, ки «Тоҷикистон — кишвари дарёҳои тиллоӣ» яке аз намоишҳои бузургтарини ёдгориҳои Тоҷикистон дар хориҷи кишвар буда, дар самти муаррифии таърихи куҳан ва фарҳанги пурғановати тоҷикон чун нодиртарин намоиш шинохта шудааст. Саҳми намоиши мазкур дар инъикоси таърихи беш аз шашҳазорсолаи халқамон дар арсаи байналмилалӣ басо муҳим ва назаррас мебошад.
Дар ҳамоиш мавзӯъҳо марбут ба таърихи ташкили намоиши «Тоҷикистон — кишвари дарёҳои тиллоӣ», теъдоди тамошобинони намоиш ва инъикоси намоиши мазкур дар шабакаҳои иҷтимоии Осорхонаи миллӣ баррасӣ гардиданд.
АКС: Муассисаи давлатии «Осорхонаи миллии Тоҷикистон»
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
