«ТОҶИКИСТОНРО ОЯНДАИ ДУРАХШОН ДАР ПЕШ АСТ». Чунин изҳори назар намуд Александр Лукашенко зимни мулоқот бо Сарвазири Тоҷикистон Қоҳир Расулзода
ДУШАНБЕ, 12.10.2022 /АМИТ «Ховар»/. «Дар мо бисёр маҳсулоте мавҷуданд, ки Тоҷикистон ба онҳо ниёз дорад. Мо бо хушнудии калон молу маҳсулоти шуморо, ки ба содирот нигаронида шудаанд, харидорӣ хоҳем кард, ки инҳо, аз ҷумла пахта, металл ва маҳсулоти кишоварзӣ мебошанд. Шумо низ дар навбати худ барои харидани молҳо, аз ғизову сару либос то мошину таҷҳизот, лифт, автобусу троллейбусҳои истеҳсолкардаи мо ҳавасмандед»,- зикр намуд Президенти Беларус Александр Лукашенко имрӯз зимни мулоқот бо Сарвазири Тоҷикистон Қоҳир Расулзода. Суханони ӯро агентии иттилоотии «БелТА» иқтибос овардааст.
«Мо дурнамои барҷастаи Тоҷикистонро дар ҳамбастагӣ бо рушди энергетика ва истеҳсоли ҳаҷми бузурги неруи барқ мебинем. Ҳоло тамоми ҷаҳон ба ин самт меравад. Дар шумо неруи барқ табиист, шуморо ояндаи дурахшон дар пеш аст. Ин сарвати шумост. Ва мо шодем, ки шумо ба ин муваффақ шудаед»,-иброз дошт Александр Лукашенко.
Ӯ бо изҳори боварӣ баён дошт, ки Беларус ҳамеша шарики боэътимоди Тоҷикистон хоҳад буд.
«Мо инро аллакай эҳсос намудаем»,-зикр намуд Сарвазири Точикистон Қоҳир Расулзода. Ӯ изҳор намуд, ки ҳамкорӣ бо Беларус барои Тоҷикистон аҳамияти хосса дорад. «Натиҷаашро мо дида истодаем»,-гуфт Қоҳир Расулзода.
Сарвазири Тоҷикистон бо Президенти Беларус ҳамфикр аст, ки кишварҳо бояд ба таври муштарак ба бозори давлатҳои сеюм роҳ ёбанд дар ҳоле ки барои ин имконият ҳаст.
Ёдовар мешавем, қаблан зимни мулоқоту музокирот бо Президенти Тоҷикистон муҳтарам Эмомалӣ Раҳмон Президенти Беларус изҳор дошт, ки ҳарду кишвар дар савдо ба василаи баромадан ба бозори кишварҳои сеюм метавонанд инкишоф ёбанд.
«Мо дар муомилоти мол мунтазам рушд ёфта, ба таври сазовор пеш меравем. Ҳарчанд ки, тавре Шумо зикр кардед, ҳаҷми савдо метавонад аз ин беҳтар бошад. Албатта, мо метавонем бештар аз ин ҳам кор кунем, махсусан дар ин замоне, ки начандон осон аст. Мо ба Тоҷикистон мароқи бештар дорем. Тавре ки қаблан дар назди ҳукуматҳоямон вазифа гузошта будем, мо метавонем дар гардиши савдо аз ҳисоби кишварҳои сеюм рушд кунем»,-афзуд Александр Лукашенко.
АКС: «БелТА»
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
