Вакили Маҷлиси намояндагон бо аҳли ҷамоати ноҳияи Шаҳринав вохӯрӣ намуд
ШАҲРИНАВ, 21.10.2022 /АМИТ «Ховар»/. Вакили Маҷлиси намояндагони Маҷлиси Олии Ҷумҳурии Тоҷикистон Файзулло Баротзода бо аҳли ҷамоати ноҳияи Шаҳринав мулоқот намуд. Дар вохӯрӣ вакили Маҷлиси намояндагон масъалаҳоеро мавриди баррасӣ қарор дод, ки ба иҷрои дастуру супоришҳои Сарвари давлат вобаста ба сафари кориашон ба шаҳру ноҳияҳои вилояти Хатлон (17-18 июни соли равон), инчунин омодагии соҳаҳои иқтисодиёт ва иҷтимоиёти ноҳия дар мавсими тирамоҳу зимистони солҳои 2022-2023 ва маъракаи даъвати тирамоҳии ҷавонон ба сафи Артиши миллӣ марбут буданд. Дар ин бора ба хабарнигори минтақавии АМИТ «Ховар» Субҳониддини МАҲМУД дар Мақомоти иҷроияи ҳокимияти давлатии ноҳияи Шаҳринав хабар доданд.
Файзулло Баротзода вобаста ба вазъи ноороми ҷаҳон ва минтақа, болоравии нарху навои молу маҳсулоти хӯрокворӣ таъкид кард, ки дар заминаи омодагӣ ба мавсими зимистони дар пешистода моро зарур аст, ки камбудию норасоиҳои ҷойдоштаро бартараф намуда, барои таъминоти худ дучанд фаъолият намоем, то дар фасли сармо ба мушкилот дучор нашавем.
Номбурда инчунин вобаста ба тарбияи ватандӯстии ҷавонон зикр намуд, ки хизмат дар сафи Артиши миллӣ шарафу номус буда, бояд аз ин мактаби матонату мардонагӣ фарзандонамон гузаранд.
Дар вохӯрӣ доир ба нақши Иҷлосияи таърихии 16-уми Шӯрои Олии Ҷумҳурии Тоҷикистон, нақш ва мақоми Пешвои миллат муҳтарам Эмомалӣ Раҳмон дар таъмини сулҳу субот ва давлатдории навини Тоҷикистон зикр гардид, ки “давлати тоза ба истиқлол расидаи миллати тоҷик дар ҳолати нобудӣ ва миллат дар вазъияти парокандагӣ қарор дошт. Падидоии таҳдиду манфиатҷӯии гурӯҳҳои гуногун ва идомаёбии низоъҳо сарнавишти ояндаи давлат ва истиқлолияти сиёсиро зери хатари ҷиддӣ қарор дода буд. Дар ин кашмакашҳои сиёсии бавуҷудомада, хушбахтона, шахсияти соҳибхирад, дурандеш, огоҳ ва далеру шуҷоъ муҳтарам Эмомалӣ Раҳмон ворид шуда, тавонистанд бо корнамоии худ миллатро аз парокандагӣ ва истиқлолияти давлатро аз нобудӣ ҳифз намоянд”.
АКС: Мақомоти иҷроияи ҳокимияти давлатии ноҳияи Шаҳринав
Доир ба рушди манбаъҳои барқароршавандаи энергия дар Тоҷикистон ҳамоиш баргузор гардид
Ҷаласаи Шурои коршиносию машваратии назди Шурои Ассамблеяи парламентии СААД баргузор гардид
Намояндагони парлумонҳои Осиёи Марказӣ масъалаҳои таъмини амнияти об, иқлим ва ҳифзи муҳити зистро баррасӣ карданд
Дар доираи Форуми чоруми байнипарлумонӣ ҷаласаи «Ҳамгироии иқтисодӣ, рушди устувор ва тавсеаи шарикии минтақавӣ» баргузор гардид
Рустами Эмомалӣ бо Раиси Курултайи Ҷумҳурии Қазоқистон Айбек Дадебай мулоқот намуданд
Дар Тоҷикистон Форуми чоруми байнипарламентии давлатҳои Осиёи Марказӣ баргузор гардид
Имрӯз дар Душанбе Форуми чоруми байнипарламентии давлатҳои Осиёи Марказӣ баргузор мешавад
Роҳбарони парламентҳои давлатҳои Осиёи Марказӣ бо шоҳкориҳои Театри миллии Тоҷикистон шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Туркманистон Дунягозел Гулманова мулоқот намуданд
Файзалӣ Идизода бо Раиси Маҷлиси Туркманистон Дунёгузел Гулманова вохӯрӣ намуд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Пешниҳодҳои Тоҷикистон дар ҷаласаи Комиссияи доимии Ассамблеяи байнипарламентии давлатҳои иштирокдори ИДМ дастгирӣ ёфтанд
