Дар даҳ моҳ дар Тоҷикистон зиёда аз 25 ҳазор субъектҳои хоҷагидор ба қайди давлатӣ гирифта шудаанд
ДУШАНБЕ, 12.11.2022 /АМИТ «Ховар»/. Дар даҳ моҳи соли 2022 дар Тоҷикистон 25 ҳазору 417 субъектҳои хоҷагидор ба қайди давлатӣ гирифта шудаанд, хабар доданд ба АМИТ «Ховар» дар Кумитаи андози назди Ҳукумати Ҷумҳурии Тоҷикистон.
Давра ба давра беҳтар гардидани сатҳу сифати хизматрасонӣ ба андозсупорандагон, такмили қонунгузории андоз ва дар ин замина беҳтар намудани маъмурикунонии андоз, пешбинӣ гардидани имтиёзоти зиёди андозӣ ва сода намудани тартиби бақайдгирии давлатии субъектҳои хоҷагидор омилҳое мебошанд, ки ҷиҳати батадриҷ афзоиш ёфтани шумораи субъектҳои соҳибкорӣ, аз ҷумла субъектҳои хориҷӣ дар ҳудуди Ҷумҳурии Тоҷикистон мусоидат намуда истодаанд.
Агар ба ҳолати 1 январи соли 2012 шумораи умумии субъектҳои хоҷагидори амалкунанда 161,6 ҳазор ададро ташкил дода бошад, пас ин нишондиҳанда ба ҳолати 1 январи соли 2022, яъне дар даҳ сол ба 338,7 ҳазор адад баробар гардидааст, ки нисбат ба соли 2012 – 177,1 ҳазор адад ё худ бештар аз 2 маротиба зиёд мебошад.
Дар даҳ моҳи соли 2022 дар маҷмӯъ 25 ҳазору 417 субъектҳои хоҷагидор ба қайди давлатӣ гирифта шудаанд, ки аз ин шумора 1 ҳазору 932 адад ба шахсони ҳуқуқӣ, 30 адад ба филиал ва намояндагиҳои шахсони ҳуқуқии хориҷӣ ва 23 ҳазору 455 нафар ба соҳибкорони инфиродӣ рост меояд.
Тибқи маълумоти Феҳристи ягонаи давлатӣ, шумораи субъектҳои фаъолияти хоҷагидор, ки бо сармоягузории шаҳрвандони Ҷумҳурии Узбекистон ба қайди давлатӣ гирифта шуда, амалкунанда ба ҳисоб мераванд, ба 1 октябри соли 2022 92 ададро ташкил медиҳад, ки аз он 76 нафар шахси ҳуқуқӣ ва 16 нафар соҳибкорони инфиродӣ мебошанд. Нисбат ба 1 январи соли 2021 шумораи субъектҳои хоҷагидори Ҷумҳурии Узбекистон, ки дар Ҷумҳурии Тоҷикистон ба қайд гирифта шудаанд, 26 адад зиёд мебошад.
Ҷумҳурии Узбекистон аз рӯи шумораи субектҳои фаъолияти хоҷагидор, ки дар Ҷумҳурии Тоҷикистон бо сармояи хориҷӣ ба қайд гирифта шуда, фаъолият доранд, баъд аз Ҷумҳурии Мардумии Чин, Федератсияи Россия, Ҷумҳурии Исломии Эрон, Ҷумҳурии Туркия, Иёлоти Муттаҳидаи Амрико дар ҷои шашум қарор дорад.
АКС аз манбаъҳои боз
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
