Дар нуҳ моҳи соли равон дар Тоҷикистон 2100 тонна моҳӣ истеҳсол гардидааст

ДУШАНБЕ, 07.11.2022 /АМИТ «Ховар»/. Дар нуҳ моҳи соли равон дар хоҷагиҳои моҳипарварии ҷумҳурӣ 2100 тонна моҳӣ истеҳсол гардидааст.

Тибқи маълумоти оморӣ, дар хоҷагиҳои моҳипарварии вилояти Хатлон 1534,2 тонна, Суғд 444,3 тонна, Вилояти Мухтори Кӯҳистони Бадахшон 0,9 тонна, шаҳру ноҳияҳои Ваҳдат 108,7 тонна, Файзобод 2,5 тонна, Роғун ва Рӯдакӣ 2 тонна, Ҳисор 1,7 тонна, Нуробод 1,5 тонна, Турсунзода 1,4 тонна ва Шаҳринав 0,8 тонна моҳӣ сайд карда шудааст. Маблағи умумии он 42, 3 млн сомониро ташкил медиҳад, ки нисбат ба ҳамин давраи соли гузашта 46,6 фоиз зиёд мебошад.

Аз ҳаҷми умумии сайди моҳӣ 625,5 тонна намуди пешониғафси сафед, 203,2 тонна зағорамоҳӣ, 109,1 тонна гулмоҳӣ, 237,1 тонна амури сафед, 8,4 тонна суфмоҳӣ ва 916,7 тонна дигар намуди моҳиҳо мебошанд.

АКС: Хадамоти матбуоти Президенти ҶТ/АМИТ «Ховар»