Дар Саридораи геология ба ифтихори Рӯзи Конститутсия ҳамоиши идона доир гардид
ДУШАНБЕ, 04.11.2022 /АМИТ «Ховар»/. Имрӯз, 4 ноябр дар толори Саридораи геологияи назди Ҳукумати Ҷумҳурии Тоҷикистон бахшида ба Рӯзи Конститутсияи Ҷумҳурии Тоҷикистон ҷаласаи тантанавӣ доир гардид, хабар доданд ба АМИТ «Ховар» дар маркази матбуоти Саридораи мазкур.
Дар ҷаласаи тантанавӣ Сардори Саридораи геология Илҳомҷон Оймуҳаммадзода доир ба аҳамият, қабул ва ҳифзи ин ҳуҷҷати сарнавиштсоз ибрози андеша намуд.
Зикр шуд, ки қабули Конститутсияи нав дар рушди давлати тозабунёди тоҷикон навигарии муҳиму мондагори таърихие буд, ки ҳуқуқу озодиҳоро чун сарчашмаи асосии пешрафту комёбиҳои ҷомеа, поягузори суботи давлат, ваҳдату дӯстии халқу миллат бозгӯӣ кард.
Конститутсияи Ҷумҳурии Тоҷикистон ҳамчун ҳуҷҷати муътабару муътамади бахтовару сарнавиштсоз тавонист ифодагари манфиатҳои мардум бошад ва миллати тоҷикро дар тамоми дунё муаррифӣ намояд. Он ҳадафи асосӣ ва аввалиндараҷаи Конститутсия- суботи конститусиониро муайян кард.
Конститутсияи давлати демократии мо ҳамеша қутбнамо ва ифодагари манфиатҳои волои халқи дорои таърихи бою рангинамон, манбаи асосии ҳуқуқии ҳокимияти давлатӣ, пешбарандаи ғояву арзишҳои миллии мардуми шарифи Тоҷикистон ва амаликунандаи умеду ормонҳои чандинасраи ниёгонамон буда, ҷавонон ва наслҳои ояндаро вазифадор месозад, ки ин арзиши муқаддасро дар кишвари азизи худ пойдор нигоҳ доранд.
Дар идомаи ҷаласа доктори илмҳои ҳуқуқшиносӣ Акмал Неъматов дар мавзӯи “Конститутсияи Ҷумҳурии Тоҷикистон ва нақши он дар эъмори давлати соҳибистиқлол” ва омӯзгори Донишкадаи такмили ихтисоси Вазорати адлия Валиҷон Темиров дар мавзӯи “Конститутсия- асоси низоми ҳаёти ҳуқуқии Ҷумҳурии Тоҷикистон” маърӯза намуданд.
Таъкид шуд, ки дар ҳақиқат Конститутсияи Ҷумҳурии Тоҷикистон дар рушди давлатдории миллии тоҷикон нақши муассир дорад. Бинобар ин, эҳтироми Конститутсия ва арҷ гузоштан ба он бояд ба одати ҳар шаҳрванд табдил ёбад. Зеро, Конститутсия таҷассумгари моҳияти сиёсӣ, ҳуқуқӣ ва маънавии давлат аст. Шаҳрвандон вазифадоранд, ки ҳар банди онро риоя кунанд, ҳуқуқу озодӣ, шарафу номуси дигаронро эҳтиром намоянд. Танҳо бо ҳамин роҳ мо метавонем ба ҳадафи ниҳоии худ- бунёди давлати пешрафта ва мардуми дорои зиндагии шоиста бирасем.
АКС: Саридораи геологияи назди Ҳукумати Ҷумҳурии Тоҷикистон
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
