Маркази зиддитеррористии ИДМ: Ташаннуҷи вазъ дар Афғонистон ба минтақа таъсир мерасонад
ДУШАНБЕ, 09.11.2022 /АМИТ «Ховар»/. Ташаннуҷи вазъ дар Афғонистон хатари ноором шудани вазъият дар Осиёи Марказиро зиёд мекунад ва эҳтимоли интиқол ёфтани бесуботӣ ба кишварҳои Иттиҳоди Давлатҳои Мустақил (ИДМ) ва Созмони ҳамкории Шанхай (СҲШ) вуҷуд дорад. Тавре АМИТ «Ховар» бо истинод ба РИА Новости хабар медиҳад, дар ин бора 8 ноябр роҳбари Маркази зиддитеррористии ИДМ Евгений Сисоев иттилоъ дод.
Дирӯз дар Тошканд конфронси 8-уми байналмилалии илмӣ-амалии Сохтори минтақавии зиддитеррористии СҲШ таҳти унвони «Амнияти муосир: чолишҳо ва роҳҳои ҳалли онҳо» ифтитоҳ ёфт.
«Ташаннуҷи вазъи иҷтимоиву иқтисодӣ, хуруҷи оммавии афғонҳо ба хориҷа, афзудани зиддияти этникӣ ва конфессионӣ, вусъати ҷинояткории фаромарзӣ ва қочоқи маводи мухаддир <…> хатари ноором кардани вазъ дар минтақаи Осиёи Марказиро зиёд мекунанд», — гуфт Сисоев зимни суханронӣ дар конфронс.
Роҳбари Марказ бо истинод ба арзёбиҳои коршиносон тазаккур дод, ки агар ҳукумати толибон (ҳаракати «Толибон»*) кишварро самаранок идора карда натавонад, он гоҳ қисми назарраси Афғонистонро амалиёти ҷангӣ фаро гирифта, зери назорати ҷиҳодиёни маҳаллӣ ва созмонҳои террористии байналмилалӣ қарор мегирад. «Дар робита ба ин эҳтимоли интиқол ёфтани бесуботӣ ба фазои ИДМ ва СҲШ низ зиёд мебошад», — афзуд Сисоев.
_________________
* Ҳаракати террористии мамнуъ дар Тоҷикистон
АКС: anna-news.info
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
Котиби Шурои амнияти Ҷумҳурии Тоҷикистон бо Сафири Ҳиндустон мулоқот намуд
Ҳамкории мақомоти корҳои дохилии шаҳри Душанбе бо Департаменти ҷамъиятии бехатарии шаҳри Нанкини Чин густариш меёбад
