«НИЗОМҲОИ ХУДКОРИ КОРКАРДИ МАЪЛУМОТ». Бори нахуст китоби тавзеҳоти компютерии олимон ба забони тоҷикӣ дар Нашриёти «Ирфон» чоп гардид
ДУШАНБЕ, 15.11.2022 /АМИТ «Ховар»/. Муассисаи нашриявии «Ирфон» ба пешвози 30-солагии Иҷлосияи ХVI Шӯрои Олии Ҷумҳурии Тоҷикистон бори нахуст китоби тавзеҳоти компютерии тоҷикии олимони тоҷик, академики Академияи миллии илмҳои Тоҷикистон, математики маъруф Зафар Усмонов ва номзади илҳои физика ва математика Хуршед Худойбердиевро таҳти унвони «Низомҳои худкори коркарди маълумот» ба нашр расонид, иттилоъ доданд ба АМИТ «Ховар» дар муассисаи мазкур.
Тавре Директори Муассисаи нашриявии «Ирфон» Қурбон Ғуломзода баён дошт, дар китоби мазкур тарҳрезӣ ва коркарди луғатҳои электронӣ, раванди балоиҳагирӣ, таҳия ва пешбарии низомҳои худкори коркарди маълумот бо забони тоҷикӣ, ба монанди луғатҳои электронӣ, тезаурусии компютерӣ, тафтиши имло, синтез ва шинохти овоз, мубодилаи ҳарфҳо, тарҷумаи матн ва амалӣ кардани он дар асоси захираҳои мувозии матни тоҷикӣ-русӣ, шинохти муаллифи матн дар асоси басомади ҳиҷо, ки дар доираи иҷрои тадқиқоти илмӣ аз тарафи муаллифон корбарӣ шудаанд, шарҳу эзоҳ дода мешаванд. Натиҷаи ҳосилшудаи кори олимон сабаби рушди соҳаи технологияҳои иттилоотӣ ва татбиқи амалии илмҳои электронӣ бо забони тоҷикӣ мегардад.
Тавре Пешвои миллат зимни яке аз суханрониҳои хеш иброз доштанд, «мо дар асри ХХI, яъне дар ҷаҳони дигаргуниҳои бузурги илмию технологӣ умр ба сар бурда истодаем. Кишварҳои олам босуръат пеш рафта, бо истифодаи технологияҳои инноватсионӣ ва коммуникатсионӣ соҳиби комёбиҳои ниҳоят зиёд мешаванд. Рӯ овардан ба технологияҳои иттилоотиву коммуникатсионӣ ва татбиқи ҳарчи васеи онҳо дар ҷомеа яке аз ниёзмандиҳои дигари замони ҷаҳонишавӣ ба шумор меравад».
Натиҷаҳои таҷриба ва малакаҳои ҳосилшуда дар таҳияи коркарди маълумоти матнӣ дар китоби мазкур барои омӯзиши забони тоҷикӣ ҳам барои шаҳрвандони ҷумҳурӣ ва ҳам барои истифодабарандагони хориҷӣ заминаҳои муассири методологӣ фароҳам меоранд.
Китоби мазкур барои доираи васеи хонандагон- толибилмон, донишҷӯён, магистрантҳо, докторантон ва унвонҷӯёни соҳаи техникӣ, ки дар самти технологияи иттилоотӣ ва забоншиносии компютерӣ фаъолият доранд, дастури муҳими амалӣ ва назариявӣ ба шумор меравад.
АКС: АМИТ «Ховар»
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
Дар муассисаҳои таълимии ноҳияи Данғара даври аввали (муассисавии) Озмуни ҷумҳуриявии «Фурӯғи субҳи доноӣ китоб аст» оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
