Россия интиқоли маҳсулоти нафтиро ба Тоҷикистон бидуни боҷ афзоиш медиҳад
ДУШАНБЕ, 30.11.2022 /АМИТ «Ховар»/. Россия соли 2023 ҳаҷми интиқоли маҳсулоти нафтиро ба Тоҷикистон бидуни боҷ афзоиш медиҳад. Муовини Вазири энергетика ва захираҳои оби Тоҷикистон Шарифа Худобахш ва муовини аввали вазири энергетикаи Россия Павел Сорокин (АКС) зимни мулоқот дар Москва санади ислоҳи ҷадвали интиқоли маҳсулоти нафтиро имзо карданд. Дар ин бора ба АМИТ «Ховар» дар маркази матбуоти Вазорати энергетика ва захираҳои оби Тоҷикистон хабар доданд.
«Мутобиқи ин санад ҳаҷми умумии бақияи индикативӣ, аз ҷумла ҳаҷми интиқоли бензини автомобилӣ ва сӯзишвории дизелӣ нисбат ба соли гузашта ба бозори дохилии Тоҷикистон афзоиш ёфтааст», — иттилоъ медиҳад Вазорати энергетикаи ҷумҳурӣ.
Зимни мулоқот ҷонибҳо масъалаҳои марбут ба таъмини навъҳои асосии маҳсулоти нафтӣ барои соли 2023-ро баррасӣ карданд. Тоҷикистон аз соли 2013 ба таври имтиёзнок (бидуни пардохти боҷи гумрукии содиротӣ) маводи сӯхт ва маводи молидании Россияро дарёфт мекунад. Бояд гуфт, ки шарти асосии таъмини имтиёзноки маҳсулоти нафтии Россия истиснои реэкспорт ба кишварҳои сеюм аст. Ҳаҷми интиқоли маҳсулоти нафтии имтиёзнок барои соли 2022 дар сатҳи солҳои қаблӣ — 830 ҳазор тонна боқӣ монд. Аммо воридоти воқеии сӯзишворӣ ва равғанҳои молиданӣ аз Россия дар солҳои қаблӣ аз 600 ҳазор тонна зиёд набуд.
АКС: Вазорати энергетика ва захираҳои оби Ҷумҳурии Тоҷикистон.
НИШАСТИ МАТБУОТӢ. Дар Тоҷикистон беш аз 22,4 миллиард кВт-соат неруи барқ ва зиёда аз 1,3 миллион Гкал неруи гармӣ истеҳсол шудааст
Соли 2024 дар 3239 гектар корҳои бунёд ва барқароркунии ҷангал иҷро гардид
Соли 2024 аз Тоҷикистон ба беш аз 26 давлати хориҷӣ маҳсулоти кишоварзӣ содирот гардид
«Тоҷикаэронавигатсия» соли 2024 ба 71 ҳазору 459 техникаи ҳавопаймоӣ хизмат расонидааст
НИШАСТИ МАТБУОТӢ. Дар Тоҷикистон панҷ барномаи давлатӣ барои беҳтар намудани заминҳои кишоварзӣ амал менамояд
НИШАСТИ МАТБУОТӢ. Бахшида ба Соли байналмилалии ҳифзи пиряхҳо лоиҳаи Консепсияи «Харитаи роҳ» таҳия гардид
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Хадамоти алоқа дар доираи ин солҳо иҷрои кадом корҳоро ба нақша гирифтааст?
Дар Душанбе созишномаҳои грантӣ бо Бонки олмонии рушд ба имзо расиданд
НИШАСТИ МАТБУОТӢ. Аз Тоҷикистон ба Лондон, Будапешт, Сеул, Шармулшайх ва Риёз парвозҳои ҳавоӣ амалӣ мегарданд
Маркази минтақавии Тоҷикистон сазовори мақоми Маркази минтақавӣ барои давлатҳои Осиёи Марказӣ гардид
НИШАСТИ МАТБУОТӢ. Дар се лоиҳаи давлатии сармоягузорӣ дар соҳаи роҳи Тоҷикистон корҳои сохтмонӣ ба маблағи 3,5 миллиард сомонӣ оғоз меёбанд
НИШАСТИ МАТБУОТӢ. Соҳаи авиатсияи граждании Тоҷикистон ба пешравиҳои назаррас ноил мегардад
