Сироҷиддин Муҳриддин дар Сафорати Беларус дар Тоҷикистон дар Китоби тасаллият сабт гузошт
ДУШАНБЕ, 28.11.2022 /АМИТ «Ховар»/. Дар нимаи аввали 28 ноябр Вазири корҳои хориҷии Ҷумҳурии Тоҷикистон Сироҷиддин Муҳриддин аз Сафорати Беларус дар Тоҷикистон боздид намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Сироҷиддин Муҳриддин дар Китоби тасаллият оид ба ҳамдардии ҷониби Тоҷикистон дар робита ба даргузашти Вазири корҳои хориҷии Ҷумҳурии Беларус Владимир Макей сабт гузошт, ки дар он чунин омадааст:
«Аз номи кормандони хидмати дипломатии Ҷумҳурии Тоҷикистон ва шахсан аз номи худам ба тамоми кормандони хидмати дипломатии Ҷумҳурии Беларус дар робита ба даргузашти нобаҳангоми вазири корҳои хориҷӣ Владимир Владимирович Макей ҳамдардии самимона изҳор менамоям.
Владимир Владимирович дар Тоҷикистон ба ҳайси ходими давлатие, ки манфиатҳои миллии Беларусро қотеъона ҳимоя мекард ва масоили ба роҳ мондани ҳамкории густурдаи байналмилалиро моҳирона танзим менамуд, хотирмон хоҳад буд. Маҳз ҳамин сифатҳои баланди касбӣ муҷиби эҳтироми баланд ва нуфузу эътибори Владимир Владимирович дар арсаи байналмилалӣ гаштанд.
Мо ба саҳми назарраси Владимир Владимирович дар тақвияти муносибатҳои дӯстии самимона миёни Ҷумҳурии Тоҷикистон ва Ҷумҳурии Беларус арҷ мегузорем.
Шахсан муносибати бародарона ва эътимоди комили Владимир Владимировичро ҳамеша дар хотир хоҳам дошт ва қадр хоҳам кард.
Ба ғаму андӯҳи хешон ва наздикони Владимир Владимирович ҳамроҳ ҳастам.
Рӯҳат шод бод, дӯсти азиз…»
Ёдовар мешавем, ки Вазири корҳои хориҷии Ҷумҳурии Беларус Владимир Макей 26 ноябр даргузашт.
Акс: ВКХ ҶТ
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
Дар Душанбе ҷаласаи Шурои вазирони корҳои хориҷии кишварҳои иштирокдори ИДМ доир шуд
